Мырзалиева Марпуға Мұғалқызы

Мырзалиева Марпуға Мұғалқызы — 1941 жылы 23 шілдеде Саратов облысы, Наталин Яр совхозында дүниеге келген.

Сол совхозда онжылдық мектепті бітіріп, бухгалтерлік курсты оқиды.

• 1959-1962 жылдары бухгалтер болып қызмет істеген.
• 1962 жылы отбасылық жағдайына байланысты Қостанай облысы, Жетіғара қаласына ауысады. Стандартты емес құрал-сайман жасайтын зауытта тауарды қабылдаушы және өткізуші мастер болып жұмыс істейді.
• 1968 жылы Алматы қаласындағы №2 қалалық баспаханада түптеу цехында жіппен тігетін машинада істейді.
• 1974 жылы №2 баспахананың негізінде «Кітап фабрикасы» болып қайта құрылуына байланысты (қазіргі «Дәуір» баспасы) түптеу цехының «Джет-Биндер» учаскесінде мастер болып қызмет атқарады.

Марпуға Мұғалқызының осы өндірісте атқарған еңбектері бағаланып Еңбек Қызыл Ту орденімен, «Еңбек ері» медалімен марапатталды. «Алтын қол – шебері» атағы берілген. Қазіргі уақытта құрметті еңбек демалысында.