Мэрилин Вос Савант

Мэрилин Вос Савант

Әлемдегі ең ақылды адам Миссури штатының тұрғыны - Мэрилин Вос Савант. Оның парасаттылық коэффициенті (IQ) 228 бірлікті құрапты. Мэрилиннің асқан қабілеті бала кезінде-ақ белгілі болған екен. 10 жасында алғырлығымен көзге түскен ол сол кездің өзінде Гиннестің рекордтар кітабына енгізілді.IQ – парасаттылық коэффициенті – адамның ойлау, алға қойған мақсатына жете білу, дұрыс шешім қабылдай білу қабілетін көрсететін бірлік. Ғалымдардың есептеуі бойынша өткен ғасырдағы ғалымдардың парасаттылық коэффициенті мынадай болыпты: Гетеде - 200 бірлік, Ньютонда 190 бірлік, Галилейде 185 бірлік, Коперникте 130 бірлік. Мэрилин 1946 жылы 11 тамызда дүниеге келген ару. Тегі француз тілінен аударылғанда «ақылды» дегенді білдіреді. Мерилин қазіргі таңда «Парад» журналында «Мерилиннен сұра» деген айдарды жүргізуде. Интернеттегі жеке парақшасы арқылы да халықпен байланысқа түсіп жүр. Зерек жан кітап жазумен де айналысуда.1987 жылы Мэрилин атақты биолог Роберт Джарвикаға тұрмысқа шықты. Роберттің жасанды жүректі ойлап тауып, жұртшылыққа алғаш ұсынған атақты ғалым екендігін айтып өтелік. Оның парасаттылық коэффициенті (IQ) -180 болса, жұбайлардың үлкен ұлының көрсеткіші (IQ) - 164 бірлік екен.

Өмірбаяны

Мэрилин вос Савант (Marilyn vos Savant) 1946 жылы Сент-Луиседағы Миссури штатында дүниеге келген. Әкесі Джозеф Мэч (Joseph Mach) және анасы Марина фон Савант (Marina vos Savant) Германиядан (Germany) және Италиядан (Italy) келген. Мэрилин вос Савант анасының тегінде, сол уақыттары ұлдар ғана әкесінің тегінде болғандықтан қыздар анасының тегінде болған. Мэрилин жасөспірім кезінде көп оқыған, әкесіне жергілікті газеттерге мақала жазуға көмектескен. Мэрилин Вашингтондағы в Сент-Луисе (Washington University in St. Louis) университетінде оқыған. Бірақ отбасына Мэрилиннің көмегі қажет болғандықтан, университетті аяқтамады. Ол 16 жасында университет студентіне тұрмысқа шығып, 20 жасында ажырасып кетеді, екінші рет тұрмысқа шығып, 35 жасында ажырасты. 1980 жылы Мэрилин Нью-Йоркке (New York) көшіп келді. Ең алғаш 'Omni' журналына 'Omni I.Q. Quiz Contest' мақаласын жазды. Кейіннен өзі жеке баған алып, 'Ask Marilyn' деп атады. Бұл жерде Мэрилин оқырмандардың сұрақтарына жауап жазды. Көптеген даулар туындап, нәтижесінде Мэрилиндікі дұрыс болып шығатын. Мэрилин вос Савант 1986 -1989 жылдары Гиннестің рекордтар кітабына (Guinness Book of World Records) енді. Ең жоғарғы IQге ие болған, әлемдегі ең ақылды әйел санатында болды. Мэрилиннің үшінші күйеуі 1987жылы Роберт Джарвик (Robert Jarvik) болды. Алдыңғы тұрмысынан екі баласы болды. Мэрилин Нью-Йоркте тұрады. Мэрилин вос Савант жолдасының 'Jarvik Heart, Inc.' корпорациясының финанстық директоры болды. Сонымен қатар директорлар кеңесінің Ұлттық экономикалық білім кеңесінде (National Council on Economic Education) жұмыс істеді. Даврынды балалар ұлттық ассоциациясы кеңесінің (National Association for Gifted Children) мүшесі болды. 2003 жылы Мэрилин Нью-Джерси (The College of New Jersey) колледжінен ғылым докторы құрмет дәрежесін алды.

Дереккөздер

http://massaget.kz/bilim/bilesiz-be/2574 http://www.peoples.ru/champions/marilyn_vos_savant/