Мұнай кәсіпшілігі

Уикипедия — ашық энциклопедиясынан алынған мәлімет
Jump to navigation Jump to search

Мұнай кәсіпшілігі - кенорындағы мұнайды өндіруге және жинауға, сондай ақ ұңғыма өнімдерін өңдеуге және одан әрі тұтынушыларға тасымалдауға арналған технологиялық кешен. Ғимараттары мен жүйелері негізгі және қосалқы болып ажыратылады. Әуелгілеріне пайдалану, айдамалау, бақылау ұңғымалары, құбыр желілері, сорап және компрессор станциялары, мұнай мен суды дайындау қондырғылары, қорқайма парктері тағы басқа, екіншілеріне - энергиямен және сумен қамтамасыз ету, канализация мен байланыс, механикалық шеберханалар, тасымал торабы тағы басқа жатады. Мұнай ұңғымаларының саны кенорынның өлшемдеріне, оны пайдалану сұлбаларына байланысты. Ұңғыманың өнімі құбыр желісі арқылы топтық өлшеу қондырғысына түседі, мұнда келіп түскен мұнай мөлшері өлшенеді. Бұдан соң мұнай орталық жинақтау пунктіне немесе үстемелеуші сорап станциясына жөнелтіледі.

Дереккөздер[өңдеу]

  • Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1