Мұхамеджанов Байғоныс

Мұхамеджанов Байғоныс (1914, бұрынғы Торғай оязы Наурызым ауданы, Қайғы ауылында – 1994, Наурызым ауданы, Қайғы а.) – мәдениет қызметкері, әнші. Балалық шағынан белгілі өнерпаз әкесі Мұхамеджан әншінің өлеңдері мен әндеріне бауыр басып өскен. 1936 жылы әнші-ақын Н.Ахметбеков Амангелді көшесінде ұйымдастырған ауданаралық халық театрына алғашқылардың бірі болып келіп, ірге тасын қаласқан. Кейін Қостанай филармониясын басқарды. Әнші 1938 жылы Алматыда өткен әншілер байқауында ақын Н.Ахметбековтен кейінгі екінші орынды иеленді. Халық әндерімен қатар әнші-сазгер әкесі Мұхамеджанның шығармаларын насихаттауға, өлкеде ән-күй, театр өнерінің дамуына көп еңбек сіңірді. Әр кездерінде Торғай өлкесінен халық әндері мен күйлерін жинаған музыка зерттеушілері А.Затаевич пен Т.Бекхожинаға өз әкесінің әндерін де жаздырған.