Мұхамеджанов Қалтай атындағы көше (Алматы)

Көшеге мемлекет және қоғам қайраткері, қазақтың белгілі драматургі, Қазақстанның халық жазушысы Қалтай Мұхамеджановтың есімі (Алматы қаласының мәслихатының 24.12.2003 № 26 шешімі мен Алматы қаласы әкімшілігінің 26.12.2003 № 5/764 қаулысы) берілген. Мұхамеджанов Қалтай (1928-2001) Қызылорда облысының Тереңөзек ауданында шіркейлі елді мекенінде дүниеге келген. Ол Қазақстанның Мемлекеттік кино комитетінде бас редактор, Қазақстан Жазушылар Одағының екінші хатшысы, «Ара»-«Шмель» журналының бас редакторы, «Заман-Қазақстан», «Түркістан» газеттерінің бас редакторы қызметтерін атқарған. Бұрынғы атауы - 3-ші көше. Көше Әуезов ауданында орналасқан. Бейсембаев көшесінен басталып, Нұрмаханов көшесіне дейін созылып жатыр. Тимов, Жантөрин, Абдраманов көшелерін қиып өтеді.