Мұхамеджан Тынышбаев көшесі (Астана)

Мұхамеджан Тынышбаев көшесі (Астана)- Мұхамеджан Тынышбаев көшесі Қарасай батыр көшесінен басталып, Ы.Алтынсарин көшесінде аяқталады. Ақбұғы, Біржан сал көшелерімен қиылысады. Ұзындығы - 727,6 метр.
Мұхамеджан Тынышбаев (1879-1937) - қоғам қайраткері, қазақтың тұңғыш теміржолшысы, тарихшы-ғалым, Мемлекеттік Думаның депутаты, Қоқан автономиясының басшысы, Алашорда үкіметінің мүшесі. Талдықорған облысының Қапал ауданында туған. Верный (Алматы) гимназиясын бітіріп, Петербургтегі қатынас жолдары инженерлері институтын тәмамдаған. «''Қазақ''» газетінде мақалалар жарияланып тұрған. Алаш партиясын құруға тікелей араласып, 1917 жылғы желтоқсан айында жарияланған Алаш автономиясы үкіметінің он бес мүшесінің бірі болады. «Алаш автономиясы аймағындағы уақытша жер пайдалану туралы Ереженің» жобасын қабылдауға қатысады. Орыс география қоғамының, Түркістан бөлімінің, Қазақстанды зерттеу қоғамының, «Талап» ұйымының мүшесі болады. Қазақ халқының арғы-бергі тарихына қалам тартып, бүгінгі күндері де маңызын жоймаған зерттеу еңбектерін жариялайды, қазақ шежіресін түзеді. Саяси құғын-сүргін құрбаны.^[1]