Мұхамед Аронұлы Шашаев
Мұхамед Аронұлы Шашаев(18.08.1929 жылы туған, Астрахань облысы) - қазақ кеңес микробиологы, медициналық ғылым докторы (1973). 1956 жылдан КПСС мүшесі. Алматы медициналық институтын бітірді (1953). Орта Азия оба ғылыми - зерттеу институтының кіші ғылыми қызметкері(1953-54), Талдықорған оба індетіне қарсы күрес бөлімшесінің бастығы (1954 - 56), Гурьев облысы, Ганюшкино оба індетіне қарсы күрес бөлімшесінің дәрігері (1956 - 58), Орта Азия оба ғылыми - зерттеу институтының дәрігері (1958 - 62), осы институттың диагностикалық препараттар жасау лабораториясының (1962 - 65), эпидемиология бөлімінің (1965 - 69), 1969 жылдан микробиология бөлімінің меңгерушісі.
Еңбектері[өңдеу | қайнарын өңдеу]
Шашаевтың 60 ғылыми еңбегі жарық көрді және үш авторлық куәлігі бар. Бұл еңбектері аса қауіпті жұқпалы аурулардың микробиологиясын және генетикасын зерттеуге арналған.
Сыйлықтары[өңдеу | қайнарын өңдеу]
Еңбек Қызыл Ту орденімен және бірнеше медальдармен марапатталған.
Қолданылған әдебиет[өңдеу | қайнарын өңдеу]
- Қазақ Совет энциклопедиясы, 1978 жыл, Алматы,12 том, 202 бет