Мұхаметжан Ахмедияұлы Пақырдінов

Уикипедия — ашық энциклопедиясынан алынған мәлімет
Jump to navigation Jump to search

Мұхаметжан Ахмедияұлы Пақырдінов 1950 жылы 23 қыркүйекте Қызылорда облысы Жаңақорған ауданының Бірлік кентінде туған. Қазақ. Әкесі - Пақырдінов Ахмедия, марқұм, аудандық өнеркәсіптік комбинаттың директоры, аудандық атқару комитеті төрағасының орынбасары болып қызмет атқарған. Анасы - Ілиясова Әсия, зейнеткер, тігінші болған. С.М. Киров атындағы Қазақ мемлекеттік университетінің заң факультетін бітірген (1973), құқықтанушы. Заң ғылымдарының кандидаты (2003). Кандидаттық диссертациясының тақырыбы: «Қылмыстық іс жүргізуде тұрғын үйге қол сұқпаушылық принципін қамтамасыз ету». «Қылмыскерден қалай қорғануға болады» атты кітаптың, сондай-ақ 11 мақаланың авторы. Қазақ және орыс тілдерін біледі. 1973 жылдан - Алматы қаласының Фрунзе аудандық прокуратурасында тергеуші қызметіне сынақ мерзімінен өтуші, тергеуші, аға тергеуші. 1977 жылдан - Алматы қалалық сотының судьясы. 1981 жылдан - ҚазКСР Жоғарғы Сотының судьясы. 1985 жылдан - Апматы қаласының Октябрь аудандық заңгерлік кеңестің меңгерушісі. 1986 жылдан - Жамбыл қаласының Орталық аудандық прокурорының орынбасары. 1989 жылдан -Жамбыл қаласының Зауыттық аудандық прокурорының орынбасары. 1990 жылдан - Алматы қаласы Совет аудандық прокурорының орынбасары. 1992 жылдың қаңтар айынан - Алматы қалалық прокуратурасында жалпы қадағалау бөлімінің бастығы. 1992 жылдың сәуір айынан - Апматы облысының Талғар аудандық прокуроры. 1996 жылдан - Алматы облыстық прокурорының орынбасары. 1997 жылдан - Апматы қалалық прокурорының орынбасары. 1998 жылдан - БҚО прокуроры. 2000 жылдан - ШҚО прокуроры. 2001 жылдан - Жамбыл облысының прокуроры. 2003 жылдан - ҚР Президенті Әкімшілігінің мемлекеттік-құқықтық бөлім меңгерушісінің орынбасары. 2004 жылдан - ҚР Президенті Әкімшілігінің Мемлекеттік-құқықтық басқармасында сот жүйесінің мәселелері жөніндегі бөлімнің меңгерушісі. 2004 жылдың желтоқсан айынан - Қарағанды облыстық сотының төрағасы. 2009 жылдың желтоқсан айынан бері - Шығыс Қазақстан облыстық сотының төрағасы. 3-ші сыныпты мемлекеттік әділет кеңесшісі. ҚР әділет біліктілік алқасының төрағасы (2003-2004). «Құрмет» орденімен (2005), «Қазақстан Республикасының тәуелсіздігіне Южыл» (2001), «Қазақстан Конституциясына 10 жыл» (2005), «Астананың 10 жылдығы» (2008) мерейтой медальдарымен марапатталған. ҚР прокуратура органдарының Құрметті қызметкері.

  • Қызылорда облысы Жаңақорған ауданының құрметті азаматы.
  • Саяси қайраткер ретіндегі идеалы - «Лайықты тұлғалар көп, сол себепті ешкімді бөліп атағым келмейді».
  • Қазақстанның болашағы туралы болжамы - «Нарықтық экономикалы қарқынды дамыған ел».
  • Хоббиі - үстел теннисі, балық аулау, бильярд.
  • Сүйіп оқитын әдебиеті - тарихи әдебиет.
  • Үйленген. Жұбайы - Тұрсынқұлова Седеп Тойшыбайқызы, үй шаруасымен айналысады.
  • Ұлдары - Ғалымжан (1973 жылы туған), Бауыржан (1975 жылы туған), Нұржан (1979 жылы туған). Немерелері - Қадижан (1998 жылы туған), Жанерке (2002 жылы туған), Жәңгір (2005 жылы туған).[1]

Дереккөздер[өңдеу]

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2