Мәскеу технологиялық институты
| Мәскеу технологиялық институты | |
| Ұраны: | |
|---|---|
| Әр адамға қол жетімді білім | |
| Университет атауы | |
| Халықаралық атауы | Moscow Technological Institute |
| Бұрынғы атауы | Дүниежүзілік технологиялық университет |
| Жалпы сипаттамасы | |
| Құрылған жылы | 1997 жылы |
| Орналасуы | |
| Орналасқан жері |  Ресей, Мәскеу
|
| Мекенжайы | 117292, Мәскеу, Кедров көшесі, 8 үй, 2 корп. |
| Әкімшілік | |
| Президенті | Бубнов Григорий Георгиевич |
| Негізгі көрсеткіштер | |
| Сайты | mti.edu.ru |
өңдеу  |
|
ВТУ Мәскеу технологиялық институты (бұрынғы атауы: Дүниежүзілік технологиялық университет UNESCO[1]) — жоғары оқу орны [2]. Бұл – Ресей Федерациясы Үкіметінің 6 қаңтар 1997 жылғы № 13-р[3] [3] ұйғарымын орындау мақсатында UNESCO қамқорлығымен құрылған жалғыз Ресей Федерациясындағы жоғары оқу орны. Осы UNESCO жобасы бүкіл әлемдегі жоғары технологиялар саласындағы кадрларды даярлауды интернационалдандыруға бағытталған. «ВТУ» МТИ мақсаты – білімді және үздік технологияларды таратуға, сондай-ақ, білім берудің қол жетімділігін қамтамасыз етуге бағытталған үздік университеттердің күш-жігерін ықпалдауды қамтамасыз ету болып табылады. ВТУ құрылымында кадрларды әзірлеудің 64 бағыты бойынша 2 факультет, 13 кафедра және 71 департамент өз жұмысын жүзеге асырады. Ресейдің 82 университетімен ынтымақтастық туралы келісімдер жасалған, олардың арасында Бауман атындағы ММТУ, Г.В. Плеханов атындағы РЭУ және басқалары бар. МТИ филиалдары Ресейдің барлық ірі қалаларында жұмыс істейді, соның ішінде – Владивосток, Екатеринбург, Красноярск, Новосибирск, Орынбор, Санкт-Петербург, Уфа және Хабаровск қалаларында. Оқыту тек Ресейде ғана емес, әлемнің басқа елдерінде де жүзеге асырылады: ТМД елдерінде үш өкілдік ашылған – Қазақстанда, Өзбекстанда және Украинада. «ВТУ» МТИ айрықша ерекшеліктерінің бірі – материалды игерудің жоғары деңгейін қамтамасыз ететін қашықтан оқыту мүмкіндігі болып табылады.
Білім беру деңгейлері
[өңдеу | қайнарын өңдеу]Бакалавриат
[өңдеу | қайнарын өңдеу]«Менеджмент», «Экономика», «Информатика және есептеу техникасы», «Құрылыс», «Жылу энергетикасы және жылу техникасы», «Техникалық жүйелердегі басқару», «Өсімдік шикізатынан алынатын тағам өнімдері», «Электр энергетикасы және электр техникасы», «Техносфералық қауіпсіздік» бағыттары бойынша жоғары білім беру. Аяқталмаған жоғары білімі, сондай-ақ, арнайы орта білімі бар тұлғалар үшін – бұрын оқылған пәндерді қайта сынақтаумен немесе қайта аттестациялаумен, қысқартылған бағдарламалар бойынша оқу мүмкіндігі қарастырылған. Күндізгі оқу, демалыс күндік топтағы сырттай оқу және қашықтан білім беру технологияларының пайдаланылуымен сырттай оқу түрлері бар.
BBA
[өңдеу | қайнарын өңдеу]ВВА (Bachelor of Business Administration) дайндық бағдарламалары бойынша оқу – «Менеджмент» бағытындағы «Шағын бизнесті басқару» оқу профилінің шеңберінде жүзеге асырылады. ВВА бағдарламасының мазмұнды ерекшелігі – менеджменттің (стратегиялық басқару, маркетингті басқару, қызметкерлерді басқару, өндірісті басқару, үдерістерді және жобаларды басқару, сатуды басқару) және кәсіпкерлік қызмет салаларының (құрылыс бизнесі, мейрамхана бизнесі, жарнама бизнесі және интернет-маркетинг, сән және фитнес индустриясындағы бизнес, мейманханалық-туристтік бизнес) жекелеген функцияларына қатысты мәселелерді тереңдеп зерттеу болып табылады. Осы атқарымдық және салалық тереңдігіне байланысты, ВВА бағдарламасы мазмұны бойынша дәстүрлі бакалавр бағдарламасы болып табылады және сонымен қатар МВА (Master of Business Administration) бағдарламасына бастапқы қадам болып табылады. Оқуды тәмамдағаннан кейін түлектер таңдап алынған оқу профилі бойынша Менеджмент бакалавры дәрежесінің берілуімен жоғары білім туралы мемлекеттік дипломды, бизнес-әкімшілік бакалавры (Bachelor of Business Administration) дәрежесінің берілгендігі туралы халықаралық дипломды, сондай-ақ, жалпыеуропалық үлгідегі дипломға атналған қосымшаны алады (Diploma Supplement).
Екінші жоғары білім
[өңдеу | қайнарын өңдеу]Бакалавриат және магистратура бағдарламалары бойынша білім беру. Бакалавриатта оқу – ең негізгі түсініктерден бастап, жаңа бағыттағы барлық пәндермен жүйелі танысуды білдіреді, бірақ, бұрын өткен жекелеген пәндерді қайта сынақтаумен, қысқартылған бағдарлама бойынша (3,5 жыл) оқу мүмкіндігін қарастырады. Магистратурада оқу (2—2,5 жыл) нақты мамандықты барынша тереңірек және толық игеруді қамтамасыз етеді және барынша дербестікті қажет етеді, өйткені, зерттелетін бағыттың негіздерімен танысуды тұспалдайды.
Магистратура
[өңдеу | қайнарын өңдеу]«Менеджмент», «Экономика», «Информатика және есептеу техникасы», «Электр энергетикасы және электр техникасы» бағыттарының шеңберінде магистратура бағдарламалары бойынша оқыту. Оқу 2-2,5 жылға созылады және магистр дәрежесінің берілуімен аяқталады. Қашықтан білім беру технологияларының қолданылуымен сырттай оқу түрі қолданылады.
Колледж
[өңдеу | қайнарын өңдеу]Орта кәсіптік білім беру бағдарламаларында мамандарды даярлау – «Экономика және басқару», «Информатика және есептеу техникасы» бағыттары бойынша жүзеге асырылады. Оқу аяқталғаннан кейін мемлекеттік үлгідегі диплом беріледі.
MBA бағдарламалары
[өңдеу | қайнарын өңдеу]MBA Start, MBA Professional, MBA Салалық, Mini-MBA бағдарламаларында оқу. «ВТУ» Мәскеу Технологиялық Институтының МВА бағдарламалары бойынша оқу – тыңдаушылардың таңдап алынған мамандық бойынша тиімді жұмыс істеуге қажетті теориялық және тәжірибелік білім алуын қамтамасыз етеді. Даярлау бағдарламасы келесі пәндер бойынша курстарды қамтиды: экономика, қаржы есептемесі, құқық, адам ресурстарын басқару, маркетинг, өндірісті басқару және т.б. Тыңдаушылар бизнестің барлық аспектілері, бизнес-стратегиялар және тұжырымдамалар туралы өзекті ақпаратқа қол жеткізеді, жетекшілік қабілеттерді дамытуға, теориялық және тәжірибелік білімдер мен машықтануларды қалыптастыруға, күн сайынғы бизнес-үдерістерді жүзеге асыру барысында оларды бекітуге мүмкіндік беретін тәжірибелік машықтанудан өтеді. «ВТУ» Мәскеу Технологиялық Институтында ұсынылған барлық MBA бағдарламалары Ресей бизнес-білім қауымдастығы (РАБО) тарапынан аккредитивтелген. Оқу аяқталғаннан кейін, тиісті біліктілікті растайтын дипломдар беріледі.
Кәсіптік қайта даярлау
[өңдеу | қайнарын өңдеу]«Бизнес-әкімшілік», «Информатика және есептеу техникасы» бағыттары бойынша қосымша білім. Оқу барысында тыңдаушылар веб-конференцияларға қатысады, оқытушылар мен тьюторлардан толыққанды кеңестер алады, институттың электронды кітапханасының оқу материалдарын және қосымша әдебиеттерін пайдаланады. Кәсіптік қайта даярлау бағдарламасын аяқтағаннан кейін түлектер таңдап алынған бағытта қызметті жүзеге асыру құқығын куәландыратын, кәсіптік қайта даярлау туралы дипломдарды алады.
Біліктілікті арттыру
[өңдеу | қайнарын өңдеу]Қолда бар мамандықтың шеңберінде өзінің кәсіби білімін, шеберлігін және машықтарын жүйелі түрде жақсартуға мүмкіндік беретін, мамандар мен басшыларға арналған қосымша білім. Келесі бағыттар бойынша жүзеге асырылады: «Құрылыс», «Техникалық қауіпсіздік», «Энергиялық тиімділік». Бұл білім беру бағдарламаларының мақсаты – тәжірибеге бағытталған қосымша білімге, машықтарға және шеберлікке қол жеткізу, сондай-ақ, жұмыс істеудің жаңа тәсілдемелерін және әдістерін оқыту.
Факультеттер мен кафедралар
[өңдеу | қайнарын өңдеу]Техника және заманауи технологиялар факультеті Факультет – информатика, заманауи техника және технологиялар саласындағы кадрларды даярлау бойынша Ресейдің аса ірі орталықтарының бірі болып табылады. Келесі жетекші коммерциялық технологиялық компаниялармен белсенді түрде ынтымақтасу жүзеге асырылуда: Cisco, EMC, Autodesk, Microsoft, Adobe, Oracle, VMWARE, Positive Technologies және басқалары. • Информатика және автоматтандыру кафедрасы • Жаратылыс ғылымдары пәндерінің кафедрасы • Техносфералық қауіпсіздік кафедрасы • Энергетика кафедрасы • Құрылыс кафедрасы • Тағам өнімдерінің технологиясы кафедрасы
Экономика және менеджмент факультеті Бұл факультет – «Экономика» және «Менеджмент» бағыттарының шеңберіндегі оқу профильдерінің және білім беру бағдарламаларының кең ауқымы бойынша мамандарды даярлауды жүзеге асырады. Оқу – күндізгі оқу және қашықтан білім берудің заманауи технологияларының негізіндегі сырттай оқу түрлері бойынша жүзеге асырылады. Факультетте – белсенді консалтингілік, ғылыми-зерттеушілік қызметті және өзге кәсіби қызметтерді жүзеге асырып жүрген білікті оқытушылар мен тәжірибешіл-сарапшылар жұмыс істейді. • Экономика кафедрасы • Менеджмент кафедрасы • Әлеуметтік-гуманитарлық пәндер кафедрасы
Миды және психикалық үдерістерді зерттеу факультеті (Moscow School of Brain and Cognitive Science) Факультет психологтарды, ұстаздарды, коучтерді, әлеуметтік жұмыскерлерді, дәрігерлерді, бизнесмендерді, сондай-ақ, жеке дамуға және өзін-өзі дамытуға мүдделі адамдарды кәсіби даярлауды жүзеге асырады.
Бизнес-мектеп
[өңдеу | қайнарын өңдеу]МТИ құрылымдық бөлімшесі – Moscow Business School болып табылады.
Әріптестер
[өңдеу | қайнарын өңдеу]Қазіргі таңда МТИ келесі оқу орындарымен әріптестік қарым-қатынастарды орнатқан: • Ақпараттық технологиялар институты (Мәскеу), • Психоанализ институты (Мәскеу), • Мәскеу экономика, менеджмент және құқық институты (Мәскеу), • Ұлттық заманауи дизайн институты (Мәскеу), • Самара үздіксіз білім беру институты (Самара).
Сілтемелер
[өңдеу | қайнарын өңдеу]• Ресми сайт • Moscow Business School
- ↑ Резолюция № 30 C/DR.94 Rev от 11 қараша 1999 г. о создании ВТУ (орыс.). ЮНЕСКО. Басты дереккөзінен мұрағатталған 21 маусым 2012. Тексерілді, 20 қаңтар 2011.
- ↑ Государственная лицензия на право ведения образовательной деятельности (орыс.). Минобразования РФ. Басты дереккөзінен мұрағатталған 21 маусым 2012. Тексерілді, 20 қаңтар 2011.
- ↑ Распоряжение правительства Российской Федерации от 6 қаңтар 1997 г. № 13-р о создании «ВТУ» (орыс.). Правительство РФ. Басты дереккөзінен мұрағатталған 21 маусым 2012. Тексерілді, 20 қаңтар 2011.
