Наталия Ильинична Сац

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Наталия Ильинична Сац (27.8. 1903, Ресей, Иркутскқ. - 18.12.1993, Мәскеу қ.) - режиссер, драматург, театр қайраткері, КСРО халық артисі (1975), өнертану кандидаты (1962), профессор (1984), Социалистік Еңбек Ері (1983). 1917 ж. Мәскеу қаласындағы А.Н. Скрябин атындағы музықалық. техникумды, 1920 ж. А.С. Грибоедов атынд. драма студиясын, ал 1953 ж. Мәскеудегі театр өнері институтының театртану факультетін бітірді. Ол Мемл. академиялық орыс балалар мен жасөспірімдер театрының негізін салушы. 1937 - 42 ж. жазықсыз жала жабылып, қуғын-сүргінге ұшырады. 1944 - 50 ж. Қазақстанда өзі ұйымдастырған Мемлекеттік академиялық орыс балалар мен жасөспірімдер театрының бас режиссер болып, осы театр сахнасында А.Н. Толстойдың "Алтын кілтін" (1947), У.Шекспирдің "Он екінші түн" (1947) және "Вероналық екі бозбаласын" (1949), сондай-ақ, Қазақ академиялық опера және балет театрында Дж. Пуччинидің "Чио-Чио-санын" (1944) қойды. С. балаларға арналған опералардың либреттосын да жазды. Балалар театрына арналған бірқатар пьесалардың, "Менің өмірімнің новеллалары" атты кітаптың (1984) авторы. КСРО Мемлекеттік сыйлығының иегері (1972). Сонымен қатар 1982 ж. Лениндік сыйл., 1984 ж. Бүкілодақтық Комсомол сыйлығы берілді. 1995 ж. Қазақстандағы Мемл. академиялық орыс балалар мен жасөспірімдер театрына Сацтың есімі берілді. Ленин орденімен, басқа да ордендермен және медальдермен марапатталған.[1]

Пайдаланған әдебиет[өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8