Наталья Брониславовна Румянцева

Наталья Брониславовна Румянцева

1958 жылы 17 желтоқсанда Көкшетау облысы Чкалов ауданының Чкалов ауылында туған. Орыс.

Әкесі - Іііашков Бронислав Яковлевич, зейнеткер, «Көкшетауқұрылыс» тресінің жүргізушісі болған. Анасы - Шашкова Нина Васильевна, зейнеткер, Көкшетау қаласының №13 ОМ мұғалімі болып жұмыс істеген.

Ш.Ш. Уәлиханов атындағы Көкшетау педагогикалық институтының филология факультетін бітірген (1980), орыс тілі мен әдебиетінің мұғалімі.

Педагогика ғылымдарының кандидаты ғылыми дәрежесіне ізденуші. Кандидаттық диссертациясының тақырыбы: «Кәсіби мектеп оқушыларының толеранттық мәдениетін тәрбиелеу».

«Ғаламға өзің болып қарсы тұр» (нашақорлықтың алдын алу бойынша жұмыс тәжірибесінен әдістемелік ұсынымдар); «Бірлескен шығармашылық бойынша емтихан» (студенттер арасындағы жаппай шараларды ұйымдастыру және өткізу бойынша жұмыс тәжірибесінен әдістемелік ұсынымдар) кітаптарының, «Шпаргалка для родителей» (балаларды өтпелі жас кезеңінде тәрбиелеу жөніндегі әдістемелік нұсқаулар), сондай-ақ облыстық, республикалық, халықаралық деңгейдегі ғылыми-тәжірибелік конференциялар жинақтарындағы 12 мақаланың (олардың ішінде кандидаттық жұмыс тақырыбы бойынша - 7, оқыту мен тәрбиелеудің басқа да тақырыптары бойынша - 5) авторы.

1980 жылдан - Көкшетау қаласының №13 ОМ мұғалімі. 1981 жылдан - Көкшетау қалалық комсомол комитетінің нұсқаушысы. 1982 жылдан - Көкшетау облыстық комсомол комитетінің студент-жастар бөлімінің меңгерушісі. 1986 жылдан - Көкшетау қалалық партия комитетінің насихат бөлімінің нұсқаушысы. 1988 жылдан - Көкшетау қалалық №13 МПТУ директорының оқу-тәрбие жұмысы жөніндегі орынбасары.

1991 жылдан бері - Көкшетау қаласының «№1 кәсіби лицей» ММ директорының оқу-тәрбие жұмысы жөніндегі орынбасары.

Көкшетау қаласының әкімі жанындағы отбасы және әйелдер істері жөніндегі комиссияның төрайымы (1998-2001). Кәмелетке толмағандардың істері және олардың құқықтарын қорғау жөніндегі комиссия мүшесі (1989 жылдан бері).

«Құрмет белгісі» орденімен (1986); «ҚР білім беру ісінің құрметті қызметкері» төс белгісімен (2008), Көкшетау қаласы әкімінің (2002) , Ақмола облыстық білім беру басқармасының (2001, 2003, 2006) құрмет грамоталарымен, ҚР Білім және ғылым министрлігінің грамотасымен және Алғысымен (2004, 2007) марапатталған. «Тәрбие жұмысы» номинациясындағы «Педагогикалық іздеу» республикалық конкурсының жеңімпазы.

Тұрмыс құрған. Жұбайы - Румянцев Юрий Васильонич (1960 жылы туған), азаматтық қорғау жөніндегі арнайы оқу орталығының атқарушы директоры, запастағы полковник. Қыздары - Румянцева Кира Юрьевна (1989 жылы туған), Ш.Ш. Уәлиханов атындағы Көкшетау мемлекеттік университеті шет тілдер факультетінің студенті , Румянцева Валерия Юрьевна (1993 жылы туған), №13 «ЭКОС» мектеп-гимназиясының оқушьк.м