Нафтидтер

Уикипедия — ашық энциклопедиясынан алынған мәлімет
Jump to navigation Jump to search

Нафтидтер - мұнайды, табиғи жанғыш газдарды, газконденсаттарды, мұнайдың табиғи туындыларына жататын малтаны, асфальтты, асфальтитті, оксикеритті, гуминокеритті, керитті, антраксолитті, озокеритті, тағы басқа қамтитын табиғи таушайырлар тобы. Аталған кластар арасындағы шектер физикалық-химиялық көрсеткіштері бойынша анықталды. Нафтидтерді нафтоидтардан ажырата білудің маңызы зор, өйткені нафтоидтар мұнай іздестіру көрсеткіші бола алмайды, олар көбінесе өңірдің мұнайлы-газдылығымен байланысты болмайды. Нафтоидтар - органикалық затпен байыған таужыныстарға жоғарғы температура мен қысымның оқшау әсерінен түзілетін табиғи таушайырлар тобы. Нафтидтер пиронафтоидтар мен тектононафтоидтарға ажыратылады. Әуелгілері жапсарлық метаморфизм кезіндегі органикалық заттар пиролизінің өнімдері болып табылады, екіншілері біршама төмен температураларда органикалық заттың қозғалмалы түрбөлшектерінің сығымдалып, көрші таужыныстардың қуыстарын толтыруынан түзіледі.[1]

Дереккөздер[өңдеу]

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1