Ниджат Рахимов

Уикипедия — ашық энциклопедиясынан алынған мәлімет
Jump to navigation Jump to search

Ниджат Али оглы Рагимов, Нижат Рахимов (әз. Nicat Əli oğlu Rəhimov; 13 тамыз 1993 жыл, Баку, Әзірбайжан) — зілтемірші, 2015 жылы Хьюстонда өткен ауыр атлетикадан әлем чемпионы. 77 келі зілтемірші Ниджат Рихимов жалпы санағанда 372 келі салмақты көтерді. 22 жастағы зілтемірші үш мүмкіндігін де серпілісте қолданып, бірінші рет 155, екіншіде 160, үшіншіде 165 келі көтерді, бірақ басты қарсыластарынан кішкене болса да қалып қалды.

Итеру кезеңінде Рахимов бірінші мүмкіндігінде 195 келі салмақты көтеріп келесі жолға 200 келі берді. Бірақ жаттықтырушылары бұл тапсырысын 207 келі салмаққа өзгертті, олар Ниджаттың бас жүлдеге қол жеткізуін қалады.

Ниджат Рахимов бұл салмақты алып, 5 секунд ұстап тұрды. Үшінші рет ол әлем рекордын 211 келіге жаңартпақшы болды. Бірақ бұл оның қолынан келмеді.

ХДР- дан келген азаматтың салмағы 1 келіге көп болғандықтан, Рахимов бас жүлдеге ие болды. Мысырдан келген Мохамад Ихаб Юсуф Ахмед 363 келі салмақты көтеріп, қола медаль иемденді.

Ниджат Рахимов — этникалық әзірбайжан. Ол 2010 жылы Әзірбайжан мемлекетінің атынан Сингапурдегі олимпиадаға барып, алтын жүлдеге ие болды. 2013 жылы жасөспірімдер арасындағы чемпионатта ол күміс медаль алды. Ал 2014 жылы Әзірбайжан халқының ауыр атлетика федерациясы оны команда құрамасына кіргізбегеніне байланысты Ниджат Рахимов Қазақстан азаматтығын алып, Қазақстан атынан өнер көрсететін болды.