Николай Андреевич Бородин

Николай Андреевич Бородин (1861 — 1934) — саяси қайраткер, өлкетанушы, ихтиолог-профессор. Оралдың ерлер гимназиясы мен Санкт-Петербург университетінің физика-математика факультетін бітірген. Ресейдің алғашқы марксшілдерінің бірі. Оралда алғашқы марксшілдік әдебиет кітапханасын құрып, ғылыми жұмыспен айналысты. 1891 ж. «Орал казактары әскерлерінің статистикалық сипаттамасы» апы 2 томдық кітабы жарық көрді. И.Железнов туралы кітаптың авторы (1901), сонымен қатар Ф.А.Брокгауз бен И.А.Ефронның «Энңиклопедиялық сөздігіне» Батыс Қазақстан облысына байланысты бірнеше мақалалар жазған. Қазақтың белгілі ғалымы Ә.Бөкейхановпен бірге «Ресей. Отанымыздың толық географиялық сипаттамасы» атты кітаптың «Қазақ өлкесі» деп аталатын 18-томын жазуға қатысқан. Ол Орал облысындағы славян тілдес халықтар арасынан Мемл. 1-Думаның депутаты болған. «Государственная Дума в цифрах» кітабының авторы (1906). Бүкілресейлік Құрылтай жиналысының депутаты (1917). Кеңес Өкіметі орнағаннан кейін АҚШ-қа кетіп, онда ғылыми жұмыспен шұғылданды. Висконсин университетінің (Мадисон қ.) проф-ы болды. Кеңес өкіметі жылдарында оның есімін атауға тыйым салынды.