Николай Ильич Титов
Николай Ильич Титов (30.10.1906, Новосибирск облысы, Колыбань селосы - 24.04.1960 Алматы қаласы) - орыс совет ақыны. Шаруа отбасында туған. Новосибир техникумын бітірген зиялы азамат (1926 жылы).
Еңбектері жəне атқарған жұмысы[өңдеу | қайнарын өңдеу]
1929-1938 жылдарында Советская Сибирь, Молодая деревня, Большевисткая сталь қалалық және облыстық газеттердің редакцияларында, Новосибир радиокомитетінде қызмет еткен. 1939 жылдан бастап Қазақстанда тұрды. Николайдың алғашқы өлеңдер жинағы 1934 жылы жарық көрді. Ол — лирик ақын. Түрлі жылдарда Шекара (1938), Шахтердің қарышты қадамы (1946), Бесжылдық оттары (1949), Бейбітшілік вахтасында (1951), Əр жылдар жыры (1954),Телефоннан бас алмай (1955 жылы), Күз нышаны (1957), Жалындаған жастық шақ (1960) сияқты өлең жинақтары шықты.
Таңдамалы шығармалары бірнеше рет (1956, 1962, 1966) басылды. Николай Ильич көптеген қазақ ақындарының өлеңдерін орыс тіліне аударған. Ол көп тілді меңгерген ақын болатын.