Николай Михайлович Лукин
Николай Михайлович Лукин (1885 жыл 8 шілде - 1940 жыл 19 шілде) - кеңес тарихшысы, КСРО ғылым академиясының акдемигі (1929). 1904 жылдан Коммунистік партия мүшесі.
Еңбек жолы
[өңдеу | қайнарын өңдеу]1909 жылы Мәскеу университетін бітірген. 1913 жылы большевиктік «Наш путь» газетін ұйымдастыруға қатысты. Мәскеу университетінде, Бас штаб академиясында, Қызыл профессура институтында сабақ берді. Ол «Тарихшы-марксистер қоғамының» (1929) негізін қалаушылардың бірі. 1932 - 1936 жылдары Коммунистік академияның, 1936 - 1938 жылдары КСРО ғылым академиясының Тарих институтының директоры. Негізгі еңбектері Ұлы француз революциясы мен Париж Коммунасы тарихына арналған.[1]
Дереккөздер
[өңдеу | қайнарын өңдеу]- ↑ Қазақ Совет Энциклопедиясы, Алматы, 1974ж., 7 том