Николай Никонорович Белашев

Уикипедия — ашық энциклопедиясынан алынған мәлімет
Jump to navigation Jump to search
Николай Никанорович Белашов
Николай Никанорович Белашов
Туған күні

1911 жыл(1911)

Туған жері

Белашово ауылы, Ресей империясы (қазіргі Қордай ауданы, Жамбыл облысы)

Қайтыс болған күні

16 қазан 1941

Қайтыс болған жері

Мәскеу облысы, РСФСР

Белашов Николай Никанорович (1911 ж.т., Қордай ауданы - 16.10.1941, Ресей, Мәскеу обл. Волоколам с.) - Кеңес Одағының батыры. Ол соғысқа дейін Киров атындағы ұжымшардың ұстаханасында жұмыс істеді, комсомол ұйымының хатышыс болды. 1941 ж. шілде айында әскер қатарына шақырылған ол 316-шы атқыштар девизиясының 1075 полкінің қатардағы жауынгері болады. 1941 жылдың 16-қарашасы теңдессіз ерліктердің көрінісі еді. Бір ротаның 28 жауынгері жаудың 50-ден аса танкілеріне қарсы тұрып, оларды жойып жіберді, өздері де мерт болды. Қордай ауданынының орталығында батырға ескерткіш орнатылды.[1] Осы шайқаста Белашев ерлікпен қаза тауып, Волоколам ауданының Нелидово ауылындағы бауырластар зиратына жерленді. Бұл ерлік 28 батыр-панфиловшылар ерлігі деген атпен тарихқа енді. КСРО Жоғары Кеңесі Төралқасының Жарлығымен Белашевқа Кеңес Одағының Батыры атағы, Ленин ордені және «Алтын Жұлдыз» медалі берілді (21.7.1942). Олардың құрметіне Мәскеу қаласының Северное Тушино ауданындағы бір көше Батыр-панфиловшылар көшесі аталып, онда мемориал орнатылған. 1975 жылы Дубосековода мемориал, Нелидово ауылында (Дубосеково темір жолы айырмасынан 1,5 шақырым жерде) батыр-панфиловшыларға ескерткіш орнатылып, мұражай ашылды. Алматы қаласында 28 гвардияшы-панфиловшылар атындағы саябақ бар, онда оларға арналып монумент қойылған. Қордай ауданының Қордай ауылында және Отар темір жол станциясында батырға арнап бюст қойылған. Қордай және Үлкен Сұлутөр ауылдарында көшеге Белашев есімі берілді.[2]

Дереккөздер[өңдеу]

  1. "Тараз, Жамбыл облысы" энциклопедиясы, Алматы 2003
  2. Айбын. Энциклопедия. / Бас редакторы Б.Ө.Жақып. - Алматы: «Қазақ энциклопедиясы», 2011. ISBN 9965-893-73-Х