Никольск шіркеуі

НИКОЛЬСК ШІРКЕУІ – 1908 ж. Алматы қаласында (архиепископ Н.И. Лаванов, С.К. Тропаревский) салынған христиандық діни ғимарат. 1936 ж. шіркеудің басшысы епископ А.Скальский тұтқындалып, жер аударылды. Шіркеу қызметі тоқтап, ғимарат музейге айналдырылды. 2-дүниежүзілік соғыстың алғашқы кезінде ғимаратта әскери айыптылар ротасы тұрды. 1945 ж. шілдеде Алматы және Қазақстан епархиясы қайта құрылып, НИКОЛЬСК ШІРКЕУІ христиандарға қайтарылды. Қалпына келтіріліп жөнделген шіркеу Қазақстан епархиясының орталық соборына айналды. 1995 ж. орталық собор Вознесенскіге көшті. Сол жылы жергілікті маңызы бар діни сәулет өнері ескерткіштерінің мемлекеттік тізіміне енгізілді.