Нияз Ожанов

Нияз Ожанов (1882, Жезқазған (қазіргі Қарағанды) облысы Ұлытау ауданы - 1953, сонда) - ақын. 1938 - 1945 жылдары ауданы, облысы ақындар айтысына қатысқан. "Қожа мен қыз", "Қойшы мен қыз", "Қара Адыр мен үлкен бұлақ айтысы", "Екі пионердің айтысы", т.б. осы тәрізді айтыс тәсілімен шығарған өлеңдерімен қатар өзі Ақайдар, Әлмағамбет, Болман, т.б. Жезқазған, Ұлытау атырабының ақындарымен айтысқан. Болман Қожабаевпен айтысы "Социалистік Қарағанды" (1944) газетінде жарияланды. Өлең-жырлары, толғау- термелері, айтыстары Орталық ғылыми кітапхананың қолжазбақорында сақтаулы.