Нысананың радиолокациялық сипаттамалары

Нысананың радиолокациялық сипаттамалары (радиолокационные характеристики цели) — нысананың, радиолокациялық станцияның және сигналдың таралу ортасының түрлі қасиеттері мен параметрлеріне байланысты болып келетін шағылысқан сигналдардың сипаттамалары. Нысананың геометриялық мөлшерлері, пішіні, материалы, ракурсы, радиолокациялық станциялар толқындарының ұзындығы және электрмагниттік толқындардың полярлық түріне байланысты болып келетін нысананың шағылыстыру мүмкіндігі (шағылысқан сигналдың қарқыны) нысананың негізгі радиолокациялық сипаттамалары болып келеді. Аталған факторлардың барлығын дәл есепке алу қиындығы арнайы есептік шаманы — күрделі нысанадағы шынайы нысаналардың (объектілердің) шағылыстыру қасиеттерін есепке алатын, нысананың шағылыстыруының тиімді ауданын енгізуді қажет етеді. Мұндай объектілерде (ұшақтарда, кемелерде, жасанды шағылыстырғыштарда) екінші кері сәулелену диаграммалары көп жапырақты сипатта болады және радиолокациялық станция жағынан оларды сәулелендіру бағыттарын барлық кездейсоқ немесе тұрақты өзгертулер радиолокаццялық стандияның антенналық жүйесінің кірісінде шағьшған сигнал амплитудасының (қуатының) флуктуациясына (кездейсоқ ауытқуына) апарып соғады. Сондықтан шағылыстырудың тиімді ауданы кездейсоқ шама болып келеді және статистикалық орта шама ретінде анықталады (өлшенеді). Нысананың радиолокациялық сипаттамалары радиолокациялық станциялардың қажетті техникалық параметрлерін, бағыттауын, әрекет қашықтығын, қабылдағыштың тұрақты уақытын (қабылдағыштың өте кіші ұзақтықта сигналдарды тіркеу мүмкіндігі) және т.б. дұрыс тандауға мүмкіндік береді.