Нүрия Құрманқызы Сынғалиева

Нүрия Құрманқызы Сынғалиева 1956 жылы 28 наурызда РКФСР Астрахан облысындағы Ахтубинск қаласында туған. Қазақ. С.М. Киров атындағы Қазақ мемлекеттік университетінің заң факультетін бітірген (1981), құқықтанушы. Қазақ және орыс тілдерін біледі. 1973 жылдан - РКФСР Астрахан облысы Ахтубинск қаласындағы консервілеу зауытының жұмысшысы. 1974 жылдан - Қазан Төңкерісінің 50 жылдығы атындағы Алматы мақта-мата комбинатында жүн түту машиналарының операторы. 1978 жылдан - ҚазКСР Жоғарғы сотының машинисі. 1979 жылдан - ҚазКСР Жоғарғы сотының хатшы-стенографисі. 1981 жылдан - ҚазКСР Жоғарғы соты шағымдар бөлімінің консультанты. 1983 жылдан - ҚазКСР Жоғарғы сотының қылмыстық істер жөніндегі сот алқасының консультанты. 1986 жылдан - ҚазКСР Жоғарғы соты 2-ші бөлімінің бастығы. 1988 жылдан - ҚазКСР, ҚР Жоғарғы сотының кеңес заңнамасын жүйелендіру және нәсихаттау бөлімінің аға консультанты. 1993 жылдан - ҚР Жоғарғы сотының рақымшылық жасау туралы қолдаухаттарды қарастыру бөлімінің бастығы, ҚР Жоғарғы сотыныц қылмыстық істер жөніндегі сот алқасының бас консультанты. 1995 жылдан бері - ҚР Жоғарғы сотының судьясы. «Қазақстан Конституциясына 10 жыл» (2005), «Астананың 10 жылдығы» (2008) мерейтой медальдарымен марапатталған. Хоббиі - кітап оқу. Сүйіп оқитын әдебиеті - тарихи әдебиет. Ұлы - Қадырбай Аян Асылмарданұлы.