Нұрадин Нәжімединұлы Әлібаев

Нұрадин Нәжімединұлы Әлібаев (1955 жылы туған, Түркіменстан Республикасы) – ғалым, ауыл шаруашылық, ғылымның докторы (1994). Мәскеудегі К.И. Скрябин атындағы ветеринария академиясын бітірген (1977). Қазақ қаракөл шаруашылығы ғылыми-зерттеу институтында лаборант (1977 – 1979), кіші ғылыми қызметкер (1979 – 1986), ғылыми қызметкер (1986 – 1988), жетекші ғылыми қызметкер (1988 – 1991). 1991 жылдан «Биотехнология және иммуногенетика» лабараториясының меңгерушісі қызметін атқарады. Жарияланған жалпы еңбектерінің саны 35, оның ішінде 8 ғылыми еңбегі, 11 авторлық куәлігі және 5 ұсынысы бар. Ол институттың ғылыми кеңесінің, сараптау және әдістемелік комиссиясының және диссертациялық кеңестің мүшесі. Қаракөл қойын селекциялаудың жаңа тәсілін тапқаны әрі оны өндіріске енгізгені үшін 1990 жылы ғылым және техника саласы бойынша Қазақстан Ленин комсомолы сыйлығының лауреаты, ал 1998 жылы Қаракөл қойлары эмбриондарын трансплантациялаудың ғылыми негізін салғаны және практикалық әдістемесін тапқаны үшін облыс әкімшілігі сыйлығына ие болды.