Олкотт Марта
Олкот Брилл Марта (1949 жылы туған) – америкалық тарихшы, саясаттанушы.[1] Чикаго университетін (АҚШ) бітірген. 1974 – 2002 жылы Колгейт университетінде қызмет атқарды. 5 жылға жуық Орта Азиядағы Америка даму қорының директоры, АҚШ Мемлекет департаментінің Орта Азия және Қазақстан бойынша кеңесшісі болды, “Бұрынғы КСРО елдеріндегі саяси және этникалық қарым-қатынастар” жобасы бойынша жұмыс істейтін Карнеги Мәскеу орталық директорларының бірі. Негізінен Орта Азия және Кавказдың дамуы, сондай-ақ Каспий аймағындағы қауіпсіздік мәселелерін қарастырды. Кейінгі жылдары Кеңес Одағы құрамында болған республикалар мен Ресейдегі этностық қарым-қатынастарды зерттеумен айналысады. 1975 жылы және кейінгі жылдары Қазақстанға ғылыми сапармен келді. Қазақстан тарихы жөнінде бірнеше монографиялық зерттеулер мен көптеген мақалалар жазды. Ол “Қазақтар” (Гувер институты, 1987, 1995) еңбегінде 15 ғасырдан бастап 1986 жылғы желтоқсан оқиғасына дейінгі Қазақстан тарихын батыстың дәстүрлі ортаазиятану көзқарасымен ұлттық қайшылықтарға, әсіресе, орыс-қазақ қайшылықтарына баса назар аудара отырып жазса, Орталық Азиядағы жаңа мемлекеттер (Вашингтон, 1996) кітабында Қазақстанның қазіргі саяси даму тарихын қарастырды. Тегерандағы халықаралық конференцияда (1992) Қазақстанның геосаяси позициясы, Гарвард университетіндегі конференцияда (1993) Қазақстанның алғашқы президенті жайлы Нұрсұлтан Назарбаев атты ғылыми баяндамалар жасады.
Ішкі сілтемелер
[өңдеу | қайнарын өңдеу]Дереккөздер
[өңдеу | қайнарын өңдеу]- ↑ Қазақ энциклопедиясы 7- том, The Collectіvіzatіon Drіve іn Kazakhstan // Russіan Revіew, 1981; The Basmachі of Freemen’s Revolt іn Turkestan, 1918 – 24 // Sovіet Studіes, 1981; The Polіtіcs of Language Reform іn Kazakhstan // Socіolіnguіstіc Perspectіves on Sovіet Natіonal Languages N.Y.: Mouton, 1985; The Kazakhs. - Stanford: Hoover Іnstіtutіon Press, 1987; Perestroyka іn Kazakhstan // Pr. of Com. 1990; Казахстан: непроденный путь, М., 2003. Ж. Шалғынбай
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |