Олонхо
Олонхо — саха (якут) халқының эпостық жыры.[1] Олонхо мифология және тарихи негізде дамыған батырлық эпостар аралығындағы жанрлық түр саналады. Мұнда ежелгі түркі-моңғол мифологиясының, мифология тарихи оқиғалардың және тұңғыс тектес халықтар мифологиясының сарындары бар. Олонхо жырлары, негізінен, той-томалақтарда жырланған. Көлемі екі-үш мыңнан жиырма мың жолға дейін созылады. Өлең құрылысы 7 – 8 буынды қазақтың жыр үлгісіне ұқсас келеді, тілі аллитерацияға өте бай. Жыр мотивтерінің қазақтың фольклорымен ұқсас тұстары жеткілікті. Мысалы, Алпамыс, Ер Тарғын , Қарадөң батыр, сондай-ақ қырғыздың Манас жырлары олонхомен сарындас келеді. Осының бәрі жыр сахалардың арғы ата-бабалары оңтүстікте, Байқал көлі маңындағы кең даланы мекендеген тұста туындағанын, қалыптасқандығын аңғартады. Олонхоны орындаушыларды олонхосут деп атайды. Олардың ішіндегі ең танымалылары ретінде Т.В. Захаров-Чээбий , Н.А. Абрамов-Кынат, т.б. атауға болады.
Ішкі сілтемелер
[өңдеу | қайнарын өңдеу]Сыртқы сілтемелер
[өңдеу | қайнарын өңдеу]Дереккөздер
[өңдеу | қайнарын өңдеу]- ↑ “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|