Орк

Уикипедия — ашық энциклопедиясынан алынған мәлімет
Jump to navigation Jump to search

Орк – қиялғажайып жанрының туындыларында жиі кездесетін, ойдан шығарылған кейіпкер. Көптеген фильмдер мен ойындарда олар жағымсыз кейіпкерлер болып табылады. Сонымен қатар, орктер өз алдына жеке нәсіл құрады және гоблин атаулы тіршілікпен өте ұқсас болып келеді.

Орктің келбеті

Сөз атауының мағынасы[өңдеу]

Жалпы, осы орктер туралы көптеген жазушылар қалам термеген болатын. Осы себепті, жазушылар орк сөзіне әр – түрлі түсіндірулер мен анықтамалар береді. Джон Толкиннің әйгілі “Сақина әміршісі” романында орктерді тірі өліктер ретінде қарастырады. Сонымен қатар, орк сөзі жат елдік, зұлымдық пен өлімді бірге алып жүретін тіршілік деген мағынаны білдіреді.

Орк сарбазы

Джон Толкиннің романында кездесетін орктер[өңдеу]

“Сақина әміршісі” романында орктер зұлым халық болады және сақина әміршісі Сауранға бағынады. Толкиннің романында орктер қысқа бойлы, қара терілі, жауынгер халық ретінде суреттеледі. Бұл тіршілік иелері дүниеге қараңғы жерлерде келеді және күннен қатты қорқатындықтан, шуақты күндері өз күш – жігерлерінен айырылады. Осы әйгілі романда орк халқының ең батыл да қаһарман урук – хай кланын атап кету абзал.

Қазіргі заманғы орктер туралы деректер[өңдеу]

Орктер фильмдер мен ойындарда көп кездесетіндіктен танымал бола бастады. Қазіргі өнер туындыларында орктер гоблиндерден өздерінің қою – жасыл түсті тері түстерімен ерекшеленеді. Орктер – көбінесе, ұзын бойлы, күшті, жауынгер халық, азу тісті, маймылдарға ұқсас жалпақ мұрынды болып келеді. Көптеген романдар мен әңгімелерде олардың мәдениеті мен өмірін варвар(викинг) немесе көшпенді (ғұндар, моңғолдар) халықтарымен тығыз байланыстырады. Яғни, олардың өмір сүруі және әскери істер жөніндегі жағдайлары ұқсас болып келеді. Сонымен қатар, олардың есімдері мен сана – сезімдерін жапон, үндіс халықтарына теңестіреді. Мысалға "Warcraft 3" ойынында кейбір орктердің есімдері (Самуро, Гэндзюрос, Дзюбей) қазіргі есімдерге ұқсас болып келеді.

Орк халықтары көбінесе эльф халқының хас жаулары болып табылады. Орктерге көптеген жаман қасиеттерді белгілейді. Мысалға, қатыгездік, арамдық, ақылсыздық, опасыздық жасау. Орктерден төнетін қауіпті айтсақ, ол орктердің көптігінде және күші мен қаһарында. Орк әскерлерін айтар болсақ, онда олар шамалы ұйымдасқан, бейберекетсіз сап құрады. Орк әскербасылары зор денелі, епті болғанымен, тәжірибесіз стратег ретінде сипатталады.

Дереккөздер[өңдеу]

https://ru.wikipedia.org/wiki/Орки