Орман маңқысы

Уикипедия — ашық энциклопедиясынан алынған мәлімет
Jump to navigation Jump to search
Орман маңқы

Орман маңқы (лат. Gallinago megala) - тауқұдіретке ұқсас, бірақ одан денесі ірілеу маңқы.

Биологиялық сипаттама[өңдеу]

Орман маңқының жоны - ақшылдау, бауыры - біркелкі түсті үлескісіз көп теңбілді болып келеді. Салмағы - 150 г шамасында. Осы туыстың сан алуан түрлерінен жақсы ажыратылатын құсойнақ типі де көңіл аударады. Жер бетінен шеңбер жасап биіктеп ұшқан құстар қанатын артқа жіберіп, құйрығын тарқатады да төмен қарай көлбей шүйіледі. Тарқатылған құйрық дірілдеп, дырылдаған дыбыс шығарады. Аталық жер бауырлай ұшып, қанатын қайтадан жаяды да, барлығын басынан қайтадан қайталап, қанатын жоғары қағады. Көбінесе бірнеше аталықтар бірден құсойнақ жасайды. Ұясын жерге салады. Салындыдағы 4 жұмыртқаны аналығы басады, балапандарға қанатына көтерілгенге дейін аналық қамқорлық көрсетеді.

Таралуы[өңдеу]

Сібірдің оңтүстігіндегі жапырақты және ақшылқылқанды ормандарында мекендейді. Қазақстанда тек қана Батыс Алтайда ұялайтыны белгілі, Алтайдың басқа бөліктерінде де ұялауы мүмкін. Бұл - Қазақстанда сирек кездесетін құс, өмір сүру дағдысының құпиясы көп, сондай-ақ ол туралы көптеген егжей-тегжейлер бізге белгісіз.[1]

Дереккөздер[өңдеу]

  1. Мектеп энциклопедиясы. Алматы: Атамұра, 2010