Орталық жазық
Орталық жазық, Солтүстік Американың ішкі аудандарында, солтүстік, солтүстік-шығысында Лаврентий қыраты, шығысында Аппалач тау жүйесі, оңтүстігінде Мексика ойпаты және батысында Ұлы жазықтар аралығында орналасқан. Басым бөлігінің орташа биіктігі 200 – 500 м. Солтүстік Америка платформасының оңтүстік бөлігіне сәйкес келеді. Кен байлықтарынан тас көмір, мұнай, қорғасын-мырыш кентастары бар. Орталық жазық аумағының басым бөлігі Миссисипи өзенінің алабында. Лаврентий қыратына жақын шекарадағы қазаншұңқырларда ірі көлдер орналасқан (Ұлы көлдер, Виннипег, Виннипегосис, Манитоба, т.б.). Климаты қоңыржай континенттік, қиыр оңтүстігінде – субтропиктік. Жылдық жауын-шашын мөлшері 400 – 1200 мм. Аумағының 3/4-ін шабындық, шалғын, жайылым, жыртылған жер, бау-бақша, елді мекендер алып жатыр. Жалпақ жапырақты, аралас ормандар өседі. Орта жазық – АҚШ пен Канаданың негізгі ауыл шаруашылық аудандарының бірі (астық, мал шаруашылығы). [1]
Дереккөздер[өңдеу | қайнарын өңдеу]
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VII том
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |