Офицерлер үйі

Офицерлер үйі- әскери және мәдени-ағарту орталығы. 1978 жылы Алматы қаласында археолог Ю.Г.Ратушный, О.Н.Балықбаев, Т.Е.Ералиев, конструктор Н.П.Разин, т.б. жасаған жоба бойынша салынды. Ғимараттың 28 гвардияшы-панфиловшылар паркінің шығыс жағын ала бой көтеруі әрі осы парктегі «Даңқ» мемориалымен ансамбльдік үндестік табуы - қаланың жаңа бір алаңыныц негізін жасады. Құрылыстың орта иінінен шығарылған ашық арқа мемориал алаңын ұлгайта түскен. Офицерлер үйінің жалпы жобасы бедерлі бұғатпен жабылған алып бағаналар тізбегі сияқты. Бүл ғимараттың салтанат қакпасына ұқсас болуын қамтамасыз еткен. Ақ мәрмәр бағаналар арасына қара сұр габбро-диабаз тасымен қаптау, дөдегенің биік әрі бедерлі болып келуі оған салтанатты сипат береді. Офицерлер үйінің ішкі бөлмелерін әсемдеуге әртүрлі табиғи тастар, алюминий, сәндік пластмассалар, синтетикалық кілемдер, жасанды бағаналар пайдаланылған. Ғимарат 1991 жылға дейін Қызыл Тулы Орта Азия әскери округінің мәдени- ағарту мекемесінің әдістемелік орталығы болды. Қазіргі кезде офицерлер үйі көп салалы қызмет атқарады. Әскери мұражайы, 500 орынды концерт залы, 400 орынды кинотеатр, кітапхана, кино, фото және изостудия, бизалы, әртүрлі үйірмелер, т.б. халыққа кызмет көрсетеді.