Павел Петрович Постышев

Уикипедия — ашық энциклопедиясынан алынған мәлімет
Jump to navigation Jump to search
Postyshev PP.jpg

Постышев Павел Петрович (партиялық бүркеншік аты — Ермак) [6(18). 9. 1887—26. 2. 1939]—кеңес партия қайраткері.

1904 жылдан Компартия мүшесі. Жұмысшы семьясында туған. 1901 жылдан рев. қозғалысқа қатысты. 1905 ж. жүмысшы депутаттары Иваново-Вознесенск Кеңесінің мүшесі. 1906 ж. РСДЖП Иваново қалалық, 1907—08 ж. окр. комитеттерінің бюро мүшесі. 1908 ж. тұтқынға алынып, 1910 ж. 4 жылға сотталды. 1912 ж. Иркутск губ-на жер аударылды. 1914—17 ж. РСДЖП Иркутск бюросының мүшесі, металлистер кәсіподағы қалалық комитетінің председателі, жұмысшы депутаттары Иркутск қалалық кеңесі төрағасының орынбасары, кәсіподақтардың орт. бюросының председателі, Иркутск әскери-революциялық комитетінің мүшесі, Қызыл гвардия отрядтарын ұйымдастырушы, рев. трибуналдың председателі, Орт. Сібірдің мүшесі. 1918 ж. Қиыр Шығыс Халкомсовының Хабаровскідегі Орт. Сібір өкілі. 1918—20 ж. Азамат соғысы кезінде Қиыр Шығыста астыртын жұмыс жүргізді, Приамурьеде партизан отрядтарына басшылық етті. 1920 ж. РК(б)П ОК-нің Хабаровск ауд. бойынша өкілі, РК(б)П ОК Қиыр Шығыс бюросының мүшелігіне кандидат. 1921—22 ж. Қиыр Шығыс респ. үкіметініц Прибайкалье обл-ндағы өкілі; Қиыр Шығыс респ. Шығ. майданы әскери советінің мүшесі; Қиыр Шығыс республикасының Верхне- удинскідегі обл. заң комиссары, Прибайкалье губ. аткомының председателі. 1924—25 ж. Киев губкомының, кейін УК(б)П окр. комитетініц секретары. 1926—30 ж. УК(б)П Харьков округтық және қалалық комитеттерінің секретары. 1925 ж. УК(б)П ОК мүшесі және Саяси Бюросының мүшелігіне кандидат. 1926—30 ж. УК(б)П Ұйымдастыру бюросының, Саяси Бюросының мүшесі, ОК хатшысы. 1930—33 ж. БК(б)П ОК ұйымдастыру бюросының мүшесі және хатшысы. 1933—37 ж. УК(б)П ОК секретары, оның Саяси Бюросының және Ұйымдастыру бюросының мүшесі; 1934 жылдан Киев обл. партия комитетінің секретары қызметін қоса атқарды. 1937—38 ж. БК(б)П Куйбышев өлкелік комитетінің секретары. Партияның 11, 13—17-съездерінің делегаты. 14-съезде БК(б)П ОК мүшелігіне кандидат, 15—17-съездерде оның мүшесі болып сайланды. 1934—38 ж. БК(б)П ОК Саяси Бюросының мүшелігіне кандидат. КСРО ОАК төралқасының мүшесі. Ленин орденімен және Қызыл Жұлдыз орденімен марапатталған.[1]

Дереккөздер[өңдеу]

  1. Қазақ Совет Энциклопедиясы, 9 том