Пайдалы қазба кенорны

Пайдалы қазба кенорны - мөлшері, сапасы және жатыс жағдайлары өндірісте пайдалануға жарамды минералдық шикізаттардың жер бетіндегі немесе қойнауындағы шоғыры. Пайдалы қазбалар газ, суйық, қатты күйлерде болатыны белгілі. Газдық пайдалы қазбаларға көмірсутек құрамды жанғыш және жанбайтын газдардың кенорындары кіреді. Сұйық пайдалы қазбаларға мұнай мен жерасты суларының кенорындары жатады. Кенорындағы минералдық шикізаттың есептік мөлшері мен сапасы өндірісте пайдалануға жеткілікті болуы тиіс. Пайдалы қазбаның өндіруге тұрарлық ең төменгі мөлшері мен ең темен сапасы өндірістік пайдалану жағдайына сәйкес келуі шарт. Пайдалы қазбаның өндіруге жарамды деп табылған ең аз мөлшері және ең темен сапасы өнеркәсіптік кондиция деп аталады.