Панорама

Уикипедия — ашық энциклопедиясынан алынған мәлімет
Jump to navigation Jump to search

Панорама (гр. pan – бүкіл және horama – көрініс) – кеңістік өнерінің бір түрі. Панорамаға әдетте дөңгелек залды ғимараттардың шеңбер немесе доға пішінді қабырғасының ішкі бетіне тұтас салынған картиналар жатады. Ол зал ортасындағы алаңнан қаралатын болғандықтан, айнала қоршаған ақиқат кеңістіктің иллюзиясын тудырады. Панорама көбіне көлемді аумақ пен көп адамды қамтитын оқиғаларды бейнелеуге қолданылады. Тұңғыш Панораманы ирланд кескіндемешісі Р.Баркер 18 ғасырдың аяғында Эдинбург қаласында жасады. Панорама 19 ғасырда кең қанат жайды. Ресейде ең таңдаулы Панорамалардың (“Севастополь қорғанысы” 1902 – 04, Севастополь қаласында 1905 жылы ашылды; “Бородино шайқасы” 1911, Мәскеу қаласында 1912 жылы ашылды) авторы Ф.А.Рубо болды.[1][2]

Дереккөздер[өңдеу]

  1. Қазақ Энциклопедиясы, V-том
  2. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8