Паразит құрттарды болдырмау шаралары
Зоология ғылымының паразит құрттарды зерттейтін саласы- гельминтология деп аталады. Ішқұрттар адам және жануарлардың, өсімдіктердің ағзасында паразиттікпен тіршілік етеді, оларарқылы пайда болатын аурулар ішқұрт ауруы немесе гельминтоз деп аталады. Ішқұрттың әсерінен балықтар, үй құстары, ірі қара, ұсақ малдар және кәсіптік жануарлар жаппай қырғынға ұшырауы мүмкін. Ішқұрттар адамдар үшін өте қауіпті. Қазақстанда ішқұрттарға қарсы күрес жүргіу шаралары қолға алынды. Бұл салада академик Константин Иванович Скрябин және оның шәкірттері ғылымда және іс жүзінде пайдаланылатын өте маңызды нәтижелерге ие болды: ішқұрттарға қарсы күрес жүргізудің көптеген шараларын ұсынып, ішқұрт ауруының алдын алу тәсілдерін белгілеп берді. К.И.Скрябиннің бастауымен денсаулықты жақсартатын жоспарлы шаралар жолға қойылды.
адам мен ауыл шаруашылық малдарын ішқұрттардан құтқарудың мынадай әдістері белгіленді: 1) ішқұрт таратушыларды паразиттерден құтқару, яғни ішқұрттарды жою: 2) сыртқы ортадағы ішқұрттарды жою; ол мыналарды қамтиды; а)көңді биотермиялық жолмен зиян келтірмейтіндей ету, мұндайда көң дұрыс төгілсе, бактериялардың тіршілік әрекетінен температура +500С тіпті +700С-ге дейін көтеріліп, ішқұрттардың жұмыртқасы мен дернәсілдері өледі;ә)адам нәжісіне шымтезек немесе жылқының тезегін салып өңдеу; б) мал жайылымын жүйелі түрде алмастыру, сонда көптеген ішқұрттардың дернәсілдері тиісті "иесі" болмағандықтан өледі; в) сойылған малдың ұшасы мен ет өнімдерін малдәрігерлік тексеруден өткізіп, тазалығын анықтау.
Дереккөздер[өңдеу | қайнарын өңдеу]
- Қ.Қайым,Б.Муханов,Р.Сәтімбекұлы,М.Шаймарданқызы, "Жануартану"(1998), 59 б., ISBN 5-625-03599-7