Параметрон
Параметрон- автоматика мен есептеу техникасының электрлік тербелістердің параметрлік қоздырылуы мен күшеюіне негізделіп жасалған элементі. Белгілі жиілікке бапталған тербелмелі контур қарапайым параметронға мысал бола алады. Парамтрон логикалық элемент немесе еске сақтау құрылғысының ұяшығы ретінде 1954ж. Жапонияада (Э. Гото) панеттелді. Параметрон негізінде электронды есептеуіш машинаның басқару жүйесі, еске сақтау құрылғысы, қосындылауыш, тіркеуіш және санауыштары жасалды. Сызықтық емес элементтерінің түріне сәйкес, параметрон индуктивті (феррит өзекшелі,магнит пленкалы), сыйымдылықты (жартылай өткізгішті диодтар мен сегнетоэлектрлік конденсатор түрінде) және резисторлы (туннельді т.б. жартылай өткізгішті диодтар түрінде) түрлерге ажыратылады. Жарық генераторлары мен параметрлік күшейткітердің жасалуына байланысты оптикалық диапазон жиілігін пайдалану мүмкіндігі туып отыр.
Дереккөздер[өңдеу | қайнарын өңдеу]
Қазақ Совет Энциклопедиясы