Пектер

Пектер (голл. pek— шайыр) — ағаш, шымтезек не тас көмір қарамайын айдағаннан қалған өнімдер. Ол — қатты (кейде қою тұтқыр) қара түсті масса. Қыздырғанда қабыршақтанып майысады, бірқалыпты салмақ түсу әсерінен пластикалық қасиет пайда болады. Электр тогын өткізбейді, суда ерімейді, органик. еріткіштердің (пиридинде, оензолда т. б.) көбінде ериді, қышқылдар әсеріне тұрақты. Бастапқы шикізатына байланысты тас көмір, ағаш, шымтезек, мұнай Пектері болып бөлінеді. Құрамында үлкен молекулалы ароматты көмірсутектер, органик. негіздер болатын тас көмір Пектерінің маңызы зор. Одан негізінен электродтар дайындалатын кокс алынады. Пектер жол құрылыстарында, металл конструкцияларды бояйтын сыр дайындауда т. б. пайдаланылады.