Перихондрит

Уикипедия — ашық энциклопедиясынан алынған мәлімет
Jump to navigation Jump to search

Перихондрит (perіchondrіtіs; грек. perі — айнала және chondros — шеміршек) — құлақ қалқанындағы шеміршек үсті қабатының қабынуы. Перихондрит — сирек кездесетін ауру. Сырқат негізінен механикалық және терм. жарақаттың әсерінен, сондай-ақ жұқпалы аурулардың (сүзек,скарлатина, тұмау, т.б.) салдарынан болады; көмей қатерлі ісігін сәулелі терапиямен емдеу кезіндегі асқынудан да дамиды. Аурудың белгісі: құлақ қалқаны қызарып, домбығады, бірақ құлақтың сырғалығында өзгеріс байқалмайды. Құлақ қалқанының шеміршегі мен шеміршек үсті қабаттарының арасына ірің жиналып, ісінеді. Флюктуация (сұйық жиналған қуыстың үстін тықылдатқандағы тербелу толқыны) пайда болады, науқастың дене қызуы көтеріледі. Емі: Перихондриттің алғашқы сатысында науқасқа антибиотиктер беріледі; жартылай су араластырылған спиртті жылы компресс қойылады. Егер ауру асқынып кетіп, консервативті ем көмектеспесе, хирургиялық операция жасалынады.

Дереккөздер[өңдеу]

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VII том