Персоналдың тренингтік жаттығулары

Тренинг (ағыл. training, train деген сөзден — оқыту, тәрбиелеу) — білім - дағдыларды, әлеуметтік қызметтерді белсенді дамытуға бағытталған оқыту әдісі болып табылады. Тренингтер өте жиі қолданылады, егер ол тек жаңа білімдерді алу ғана емес, оларды практика барысында көрсетуді де қамтитын болса. Алғашқы көзқарас бойынша, мейрамханада не болмаса қонақүйде қызмет көрсету оңай болып көрінуі мүмкін. Алайда, шын мәнінде барлығы керісінше болып табылады. Оның мағынасы, кез-келген қонақ үй немесе мейрамхананың қызметкерлерінен нақтылы қызметтер мен практикалық білімді талап етеді. Егер де халықаралық қонақ үйлер жайлы сөз қозғасақ, онда персонал келген қонаққа деген құрмет, сыйластық, сонымен қатар қарапайым этикет ережелерін білуі керек. Өзіңіздің персоналыңызды дұрыс жұмыс істеуге үйрету үшін тренингтер өткізіледі. Кез-келген пресонал оларды өтуге міндетті.

Сабақтары

Мейрамхана мен қонақүйлердің персоналына арналған тренингтер әр түрлі бағытта болуы мүмкін, соған байланысты бірнеше маңызды сабақтардан да құралуы мүмкін.

• Біріншіден, мейрамхана мен қонақүйлердің персоналының тәртібіне назар аудару қажет. Көптеген жағдайларда, тренингтің бұл түрі этикеттің бір үлкен ережесі ретінде қарастырылады. Шынында, этикет – мекеменің имиджін құрастыратын маңызды құраушысы болып табылады. Мейрамхана мен қонақүйлердің персоналы бұл тренингті өтулері тиіс. Этикеттің ережелерін білмей ары қарай оқуды жалғастыру мүмкін емес.

• Екіншіден, мейрамхана мен қонақүйлердің персоналы әрдайым кездейсоқ, кенеттен пайда болған жағдайларға, оқыс оқиғаларға дайын болуы керек. Кез-келген жағдайда қызметкер оқиғадан шығар амал тауып, клиенттің көзінде теріс әсер қалдырмауы тиіс. Басқа сөзбен айтқанда, персонал – клиенттердің сұрақтарына жауап беретін жауап ретінде болуы керек. Персонал өзін дұрыс көрсетуі керек, клиентті ренжітпеу үшін және оның алдында ұятты әсер қалдырмас үшін. Осы жағдайлардағы тренингтер – барлық мүмкін болатын форс-мажорлық жағдайларды қарастыру, ол жоспарлық эвакуациядан бастап, консультативтік жауаптарға дейін барлығын қарастырады.

• Үшіншіден, қонақ үй персоналы – жақсы психолог та болуы керек. Келген клиент не қонақ әрқашанда есі дұрыс, тыныш адам бола бермейді. Бірақ клиент қандай қылықтар көрсетсе де, «Тұтынушы әрдайым құқылы» ережесі есте болуы қажет. Көбінесе, қызметкерлер клиенттің осындай қылықтарынан кейін сасқалақтап, кейде тіптен, депрессияға ұшырайтын кездері де болады. Тренингтер тек персоналдың психикалық қорғанысын қамтамасыз етіп қана қоймай, клиентті де тынышталдыруды үйретеді.

• Төртіншіден, персонал – әдемі, тартымды болуы тиіс. Әңгіме сыртқы бет-келбет жайлы емес, қызметкерлердің әр түрлі категориядағы клиенттерге дұрыс жол таба білуді білдіреді. Айта кетуі керек, кез-келген клиент – белгілі бір қайталанбас мінезі, қажеттілігі бар тұлға. Осындай жағдайларда қызметкер ұқыпты, зерделі болуы керек. Қылықтары мен іс-қимылдарына байланысты қызметкер өзіне белгілі бір қорытындылар жасап, жақсы диалог құру үшін жолдар іздестіруі керек. Қонақ үй персоналы бұл тек «сәлеметсізбе» және «сау болыңыз» ғана емес. Әңгімені бастай алмайтын қызметкер жақсы жұмысшы бола алмас.

• Бесіншіден, көмектің өзін де ұсына білу қажет. Іс-қимылдардағы дөрекілік, дұрыс таңдалмаған интонация клиенттің жүрегінде сенімсіздік пен балағаттауды тудыруы мүмкін және жаман имидж пен беделіңізді төмендетуі мүмкін.

Дұрыс көрсетілмеген қызметтерге байланысты қонақ үй мен мейрамханаларда көптеген жағдайлар орын ала бастайды:

- Қонақүйдің немесе мейрамхананың тартымдылығы төмендей бастайды;

- Қонақүйдің немесе мейрамхананың имиджі төмендейді;

- Қонақтардың ниеттілігі төмендейді;

- Қонақүйдің немесе мейрамхананың коммерциялық эффектілігі төмендей бастайды. Сондықтан, персоналды оқыту қажеттілігі туындайды. Қазіргі таңда персоналды оқыту маңызды бір бағыттардың біріне айналуда.

Тренингтер

«Құпия қонақ» тренингі бойынша, тренингті жүргізуші адам қонақүйге хабарласып, күнделікті болуы мүмкін жағдайларды көрсетеді: номерлерді брондау, бронды алып тастау, қызметтердің бағасын қайта сұрау және т.б.Қонақ бір түнге номірді алып, күні бойы бақылаған заттарын жазып отырады. Кейін, қорытындылап, пайд болған қателермен қызметкер екеуі бірігіп, жұмыс жасайды.

«Қонақүйдің тиімді администраторы» тренингі бойынша, барлық зерттеулер, тек администратордың жұмысын бақылауға арналады.

«Қонақ үй басқарушыларына арналған технологиялар» тренингі бойынша, арнайы әр қонақүйдің басшыларына арналған, сол қонақ үйдің ерекшеліктерін ескере отырып жасалған технологиялар кешені құрылады. Кейін, оның негізінде басшының қызметі жүзеге асырылып отырады.