Перспективалық аэросурет

Перспективалық аэросурет (Перспективиый аэроснимок) — аэросуретке түсіру кезінде фотоаппаратты көлбей ұстау нәтижесінде алынған сурет (45° немесе одан да кең). Жергілікті заттар қалыпты кездегідей көрінуі үшін мұнда ұшақтың алдындағы немесе оның жанындағы аймақ суретке түсіріледі. Перспективалық аэросурет бойынша суретте бейнеленген заттардың сипатын анықтауға, бүркемеленген әскери объектілерді айқындап, суретке түсірілген жер туралы жалпылама түсінік алуға болады. Бірақ оның әр бөлшегін тану, зерттеу мүмкін емес, өйткені оның ішiнен басқа заттар жауып тұрғандықтан, біраз жерлері көрінбейді. Перспективалық аэросуреттің әр бәлімі әр түрлі болады: алдыңғы жақтағылар арттағылармен салыстырғанда ірілеу бейнеленеді.