Петронас мұнаралары

Уикипедия — ашық энциклопедиясынан алынған мәлімет
Навигацияға өту Іздеуге өту

Петро́нас (малайша Menara Petronas ) — 88-қабаттық мұнара ғимарат. Биіктігі — 451,9 метр. Малайзия астанасы Куала-Лумпурде орналасқан. Жобалауында сол кездегі Малайзия премьер-министрі Махатхир Мохамад қатысып ғимаратты «исламдық» стилде салдырған. Сондықтан ғимаратты үстінен қарағанда екі сегіз төбелі жұлдыздан тұрады, ал сәулетші жартылай домалақ дөңесті ғимарат беріктігі үшін енгізген.

Петронас мұнаралары

Құрылысқа 6 жыл берілген (1992—1998 жж.). Екі мұнараның әр қайсысын бәсекелестікпен еңбек өнімділігін арттыру мақсатында екі бөлек компаниялар салған. Геологиялық зерттеулер бойынша анықталғандай құрылыс нысаны жартысы тасты жыныста орналасса, екінші жартысы — жұмсақ әктаста орналасқан. Егер осы жерде екі мұнаралы ғимаратты салса, олардың бірі міндетті түрде отырары хақ еді. Нәтижесінде кешенді толықтай жұмсақ грунтта 60 метр ығыстырып, 100 метрлік свайлар енгізіп салу шешілді. Бүгін бұл әлемдегі ең үлкен бетонды ғимарат іргесі болып келеді.

Кешен рекшелігі — орасан зор өлшемімен ғана емес, сонымен қатар күрделігінде де. Барлық ішкі бөлмелер ауданы — 213 750 м², басқа сөзбен айтқанда 48 футбол алаңымен бірдей. Ал екі мұнара қаланың 40 гектар жерін алып жатыр. Петронас мұнараларында офистер, көрме және конференц-залдар, көркем галереялар орын тепкен.

«Петронас мұнараларын» осалу негізгі тапсырыс беруші — «Петронас» мемлекеттік мұнай корпорациясына — 2 млрд ринггитке (800 млн долларға) шықты. Бұлы шығынның бір бөлігін осы ғимаратта офистік орындарын үлестіріп алған малайзиялық басқа фирмалар көтерген. Атап өтетін қызығы екі мұнара өзара, өртке қарсы қауіпсіздікке арналған, жабық көпірмен қосылған.

Кешенді салуға тек жергілікті (малайзиялық) материалдарды пайдаланылуы керек, сондықтан құрылысқа қажет болатпен қамтамасыз ету мүмкін болмады. Арнайы егіз-мұнаралар үшін өте берік әрі майысқақ Малайзияда жасалатын бетон ойлап табылды. Сол бетоннан Петронас мұнаралары салынды. Мұнаралар баламалы болатпен жасалған ғимараттан екі есе ауырлады. Бір мұнарасының 16 000 терезесін жуып шығуға бір ай кетеді. Мұнараларда 10 000 адам жұмыс істейді.