Петрохимия

Уикипедия — ашық энциклопедиясынан алынған мәлімет
Jump to navigation Jump to search

Петрохимияпетрологияның тау жыныстары мен оларды түзуші минералдағы химиялық элементтердің таралу заңдылықтарын зерттейтін саласы. “Петрохимия” терминін ғылымға 1944 жылы Ресей ғалымы А.Н. Заварицкий (1884 — 1952) енгізді. Петрохимиялық зерттеулер геологиялық процестердің заңдылықтарын анықтау үшін фац., формац., металлоген., геотектоникалық талдауларда пайдаланылады. Тау жыныстарының химиялық құрамына талдау жасау негізінде Петрохимияның жаңа әдістері пайда болып, есептеудің түрлі әдістері жасалды. Олар минералдық, физикалық-химиялық, кристаллохимиялық, математикалық-статистикалық, компьютерлік, т.б. тұжырымдарға негізделген. Бұл әдістерді қолдану химиялық талдауды көп және әр түрлі бағытта жүргізуге, толық қорытынды алуға мүмкіндік береді. Осылай алынған коэффиценттер мен параметрлер тау жыныстарының химиялық құрамының функциясы болып табылады. Петрохимияда магматиттер — 20, шөгінді тау жыныстары — 10, метаморфты тау жыныстары — 20 түрлі әдістер арқылы зерттеледі. Петрохимиялық диаграммалар құрудың 130-дан аса түрі бар.

Тағы қараңыз[өңдеу]

Дереккөздер[өңдеу]

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VII том