Петр Анисимович Моисеенко

Уикипедия — ашық энциклопедиясынан алынған мәлімет
Jump to navigation Jump to search
Петр Анисимович Моисеенко
Лақап аты

Щербаков, Онисимов, Анисимов

Қайтыс болған күні

30 қараша 1923(1923-11-30)

Қайтыс болған жері

Харьков, КСРО

Азаматтығы

 Ресей  Кеңестік Социалистік Республикалар Одағы

Моисеенко Петр Анисимович (1852,Смоленск губерниясы,— 30. 11. 1923, Харьков, Мәскеу, Орехово-Зуевода жерленді) — орыс жұмысшы революционерлерінің бірі.

1871 жылдан Орехово-Зуевода тоқымашы болып істеді. 1874-1875 ж. Санкт-Петербургте жұмысшы үйірмелеріне қатысты. «Орыс жұмысшыларының Солтүстік Одағының» мүшесі, 1876 ж. Қазан демонстрациясына қатысты. 1878 ж. ерегіске қатысқаны үшін Омоленск губерниясына, 1880 ж. Енисей губерниясына жер аударылды. 1883 ж. қайта оралып, Орехово-Зуеводағы Морозов мануфактурасына жұмысқа орналасты. В. С. Волковпен бірге 1885 ж. Морозов көтерілісін ұйымдастырды. Сол үшін 2 рет сотталып, Архангельск губерния жер аударылды (1885-1889). 1894 ж. революциялық қызметі үшін Дондағы Ростовта тұтқынға алынып, Вологда губерниясына жер аударылды. 1898 жылы ол Донбассқа оралып, революциялық қызмет атқарды. 1905 жылдан РСДЖП мүшесі, большевик. 1905-1907 жылы революцияға белсене қатысты. 1909-1910 жылы Бакуде, 1912 жылдан Горловкада жұмыс істеді. «Правда» тілшісі. 1916 ж. 30 мың адам қатысқан Горловка кеншілері ереулі басшыларының бірі. 1914-1918 жылы 1-дүние жүзілік соғыста революциялық насихат жұмысын жүргізді, 1917-1918 жылы Бакуде, Солтүстік Кавказда совет жұмысында, Азамат соғысы кезінде Қызыл Армия қатарында болды. 1920-1921 жылы Кавказда халық ағарту инспекторы, 1922-1923 жылы Харьковте Истпартта істеді, «Естеліктер. 1873—1923» (Петр, 1924, қайта бас. 1964) жазды.[1]

Дереккөздер[өңдеу]

  1. Қазақ Совет Энциклопедиясы, 8 том