Плазмамен индуктивті байланысқан эмиссиялық спектрлік талдау

Плазмамен индуктивті байланысқан эмиссиялық спектрлік талдау. Қазіргі кезде спектрлік талдау ісінде жалын мен доғалы разрядтың ең жақсы жақтарын біріктірген сәуле шығару көзінің жаңа түрі енуде. Жанарғының құрылысы 1-суретте келтірілген, оны плазматрон деп те атайды. Плазматроннын өзі біріне-бірі сәйкес кигізілген үш түтіктен тұрады. Мүнда да аргон электродсыз тұрақты туындаған жоғарғы жиіліктегі разряд қоздырушы міндетін атқарады. Сыртқы және ортадағы түтік арасындағы саңылауға салқындататын газ ағыны (аргон немесе молекулалық газ), ортадағы түтікке аралық ағын беріледі. Осындай ағымды жасау үшін тек аргон газы ғана қолданылады. Орталық түтік аркылы талданатын сынаманы аэрозолмен бірге плазмаға жеткізетін ағын беріледі. Жанарғынын ашық ұшы жоғарғы жиіліктегі генератормен жалғасқан индукциялық катушкамен қоршалған, өйткені индикатордағы кернеу жұмысшы газдын ойып жіберетін кернеуінен біршама кем болады. Разрядты қоздыру үшін әуелі газды иондау қажет. Газды иондау үшін жоғары вольттық ұшқынды қолданады. Газ ток өткізгіштік касиетке ие болғаннан кейін энергиясы магниттік өріспен берілетін разряд пайда болады. Орам-соленоид арқылы өтетін жоғарғы жиілікті ток магнит өрісін, сондай-ақ орамның ішіне бағытталған айнымалы өрісті тудырады. Құйынды электр тогы төменнен келетін газдың жаңа үлесін джоульдік жылу есебінен қыздырып, иондайды және мүндагы температура он мың градуска дейін көтеріледі. Индукциялық плазмасы бар атомдық-эмиссиялық талдау бір мезгілде көптеген элементтерді (70-ке дейін) анықтауға мүмкіндік береді. Анықтаудың төменгі шегі (10⁻⁷ - 10⁻⁴ г/л), қайталанушылығы жоғары (Sr = 0,001 - 0,003). Әрі концентрация диапозоны кең (10⁻⁶ - 10⁻⁸ г/л).