Плафон

Уикипедия — ашық энциклопедиясынан алынған мәлімет
Jump to navigation Jump to search

Плафон (фр. plafond- "төбе") - үйдің, теміржол вагоны купесінің, кеме каютасының, ұшақ салонының төбесіне салынатын суреттер, ою-өрнектер мен мүсіндерді жапсыру сияқты безендірудің бір түрі. Плафон жасау әдістері: сылақ, кенеп, тұсқағазды мозаика және желіммен, кенеп пен мәрмәрді майлы бояулармен, фресканы су сылақ және бояулармен әшекейлеп безендіреді.

Қазақстанның ғимараттарында үй күмбездерінің ішкі төбелеріне алдымен сазбалшықты жапсырып, әр түрлі өрнекбедерлер жасау немесе күйдірілген кірпіштерді желімдеу, әрі оларды арнайлы бояулармен сырлау сияқты тәсілдер қолданылды. Ішкі төбені әшекейлеп безендіру, бояу түрлерін немесе түстерін сәтті пайдалану арқылы үйдің көрінісін шексіз аспан күмбезіне ұқсастыққа жету Орта Азия мен Қазақстанда ежелден келе жатқан бейнелеу өнер шеберлеріне тән дәстүр. Қазіргі Қазақстан бейнелеу өнеріндегі үйдің ішкі төбесін безендіруді Н.В. Цивчинский эскизімен жасалған Қарағанды, Балқаш, Өскемен қалаларындағы мәдениет сарайларынан кездестіруге болады [1]

Дереккөздер[өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8