Портал:География/Білгенге маржан

• Азияның Еуропамен арадағы географиялық шекарасы Орал тауының шығыс етегі, Ембі өзені, Каспий теңізі, Кума-Маныч ойысы, Азов теңізі, Қара теңіз, Босфор бұғазы, Мәрмәр теңізі, Дарданелл бұғазы арқылы өтеді.

• Тянь-Шань орталық бөлігі Қырғызстанға, солтүстік және батыс жоталары Қазақстанға, оңүстік-батыс шеті Өзбекстан мен Тәжікстанға, шығыс бөлігі Қытайға қарайды. Батыстан шығысқа қарай 2500 км-ге созылып жатыр, ені 400 км.

• Еділ (Волга) (ежелгі атауы Ра, орта ғасырларда Итил) – Еуропадағы ең үлкен өзен. Ұзындығы 3530 км, су жиналатын алабы 1360 мың км². Бастауын Валдай қыратынан (абсолюттік биіктігі 343 м) алып, Каспий теңізіне құяды. Сағасы теңіз деңгейінен 28 м төмен жатыр. Еділге екі жүзден астам салалар құяды.

• Парсы тілінен келген Сырдария атауы ежелден бері қолданылып келеді. Батыс елдерінде 20-ғасырға дейін бұл өзенді Яксарт атауымен атап келді. Ескендір Зұлқарнайынның (Александр Македонский) жаулап алған жерлердің солтүстік шекарасы Сырдария өзені арқылы өтті.