«Барыс» клубы 1999 жылы құрылып, 2001-2002 жылғы маусымнан ойнай бастады. Бұл ұжым 2007 жылға дейін Қазақстан чемпионатында ойнап, одан әрі Ресей Суперлигасында өнер көрсетеді. Суперлигадағы 2007-2008 жылғы маусымынан кейін «Барыс» ҚХЛ-ға мүшелікке арыз жазып қабылданады. «Барыстың» ҚХЛ-дағы алғашқы жеңісі Нижнекамскте (Ресей) жергілікті «Нефтехимикпен» болған ойынында орын алады (3 қыркүйек, 2008), ал өз алаңындағы алғашқы жеңісі 14 қыркүйекте (2008 жыл) Ресейдің былтырғы чемпионы «Салауат Юлаевқа» қарсы ойынында орын алады.
