Постық тізімдеме

Постық тізімдеме — қарауылды дайындау және қарауыл қызметін атқару кезінде толтырылатын қызметтік құжат. ҚР ҚК гарнизондық және қарауыл қызметі Жарғысына сәйкес Постық тізімдемеде төмендегілер көрсетіледі: қарауыл түрі (гарнизондық, ішкі), оның нөмірі, қызмет атқару мерзімі, посттар кестесі (олардың нөмірлер саны, сақшылар, таратушылар ауысымы және қарауылдардың посттарға түсу уақыты көрсетіледі). Онда қарауылды тексеру нәтижелері, тексерушілердің нұсқаулары, қарауыл бөлмесіне және күзету объектісіне жіберу, қарауыл кезінде болған окиғалар туралы, күзету объектісіндегі қоршаудың дұрыс еместігі анықталған жағдайлар және оны қалпына келтіру уақыты туралы жазбалар көрсетіледі.

Алмастырылатын және жаңадан түсетін қарауылдардың бастықтары постық тізімдемеге анықталған кемшіліктерді көрсете отырып, қарауыл ауысымы жөнінде қол кояды. Постық тізімдемені қарауыл тағайындалатын бөлімше командирі таратуға соңғы қарауылды жіберер алдында толтырып, қол қояды. Бөлімше командирі қарауыл ауысымынан кейін постық тізімдемеге жазылған тексерушілердің ескертулері бәйынша келесі күннен қалдырмай бөлімшенің барлық жеке құрамылың қызметіне талдау өткізеді, содан кейін, ескертулер бойынша қабылданған шараларды белгілеп, постық тізімдемені бөлім штабына жібереді. Әскери бөлімнің штаб бастығы Бұл постық тізімдемені қарауыл және шешім қабылдауы үшін бөлім командиріне тапсырады. Әскери бөлімнің штаб бастығы анықталған кемшіліктерді жою үшін қабылданған шараларды көрсете отырып, гарнизондық қарауылдың постық тізімдемесін гарнизонның әскери комендантына жолдайды.