Пуллиблэнк Эдвин Джордж
Пуллиблэнк Эдвин Джордж (7.8.1922 ж. т., Канада, Калгари қ.)-Орт. Азия мен Қиыр Шығыс тарихының маманы. Калгари қаласындағы Орта жоғары мектепте, Канададағы Альберта және Лондон университтерінде оқып білім алды. 1943-46ж. Канаданың мемлекет зерттеу Советінің қызметкері, 1946-53ж. Лондон университетінің жанындағы шығыс тану мектебінің оқытушысы. 1953 жылдан Кембридж ун-тінің профессоры. Монголиядағы ежелгі түріктер мен соғдылардың тарихы, ежелгі Жетісудің тарихы географиясы жөніндегі елеулі еңбектерінің авторы. Оның «Ежелгі қытай тіліндегі дауысты дыбыстардың жүйесі» атты еңбегінің кейбір тараулары Азияның ежелгі халықтарының, атап айтқанда ғұндардың этнонимикасы мен тілдерін зерттеуге арналған. Ол өзінің тарихи-теориялық зерттеулерінде дүние жүзі тарихының көпшілік мақұлдаған хронологиясына қарсы шығады.
Дереккөздер[өңдеу | қайнарын өңдеу]
Қазақ энциклопедиясы