Радиолярия

Радиолярия - сәулелер, саркодо класының класс тармағы. Ралиолярия жылы теңіздерде тіршілік ететін планктон организмдер, мөлшері 40 мкм-ден 1 мм-ге дейін, кейде одан да ірі келеді. Радиолярияның ішкі қаңқасы - орталық қапшығы болады. Қапшықтың ішкі беті эктоплазма қабатымен қапталған, қапшық ішінде ядролы эндоплазма бар. Қапшықтың сыртқы эктоплазма қабатында шырыш және май түйіргіш болуы, оның судағы қозғалысын жеңілдетеді. Радиолярияның эктоплазма қабатында симбиозды тіршілік ететін бір жасушалы балдырлар - зооксантелла кездеседі. Радиолярия қорегін жіп тәрізді жіңішке немесе бұтақтанған жалған аяқтары арқылы ұстайды. Радиолярияның сыртқы минералды қанқасы кремнезем немесе күкірт қышқылы стронциден тұратын шар, не көп қырлы сақина жеңіл инелерден құралған. Мұндай қаңқа суда Радиолярияның меншікті салмағын жеңілдетеді және қорғаныш қызметін атқарады. Радиолярия көбіне бөліну арқылы, жынысты жолмен сирек көбейеді. Радиолярияның 4 отрядқа жататын мыңдаған түрлері бар. Оның қазба қалдығы докембрий дәуірінен белгілі, стратирафиялық маңызы бар.