Ракеталарды телебасқару жүйесі

Ракеталарды телебасқару жүйесі — басшылық пунктінен ракета мен нысананың салыстырмалы орнын анықтап, ракетаны нысанаға бағыттауды қамтамасыз ететін, соған сәйкес ракетаға пөрмен беретін жабдықтар жиынтығы. Ракеталарды телебасқару жүйесі радиолокациялық станциядан, есептегіш-шешуші, реттеуші және басқарушы қондырғыдан, радио немесе сымды байланыс желісінен тұрады.

Радиолокациялық станцияның нысананың қашықтығы, биіктігі, азимуты жөніндегі мәліметтерінің негізінде есептегіш-шешуші қондырғы оның координаталарын шығарады да, байланыс желісімен басшылық пунктінің басқару пультіне және ракетаның жеке батареяларына жібереді. Ол пәрмендік сигналдар арқылы ұшу траекториясына өзгерістер енгізеді. Бұл пәрмендер ракетаның басқару тұткасына әсер етіп, тиімді траекториядан ауытқуды болдырмайды.