Ракетаның ұрыстық бөлігі

Ракетаның ұрыстық бөлігі (Боевая часть ракеты) — ұрыс заряды әдеттегі жарғыш заттан жасалған немесе ядролық, жарғыш жүйесі және тежегіш құрылғы орналасатын ракеталық бөлігі немесе бас конусы. Жою аймағының радиусы Ракетаның ұрыстық бөлігінің маңызды сипаты болып табылады. Ол ұрыс бөлігінің (ұрыс зарядының), нысананың және қойылған міндеттердің типіне байланысты болып келеді. Ракетаның ядролық ұрыстық бөлігі бөлінетін заттардан жасалған зарядты және бірнеше мыңнан бірнеше миллион тоннаға дейін жететін тротильді эквиваленті бар сутектік (термоядролық) болып бөлінеді. Ракетаның ұрыстық бөлігі кез келген нысананы жоюға кабілетті. Қарсыластың ашық жердегі немесе тасадағы адам күшін, ұрыс техникасын, инженерлік кұрылыстар, тұрғын үйлерді, өндіріс орындарын және т.б. жоя алады. Нысананың сипаты мен ауданына, сондай-ақ атыс дәлдігіне байланысты. Әр түрлі тротильдік эквивалентті Ракетаның ұрыстық бөлігі қолданылады. Әдетте ұрыстық бөлік ракетадан бөлек тасымалданады.