Рамон

Уикипедия — ашық энциклопедиясынан алынған мәлімет
Jump to navigation Jump to search

Рамон – Қазақстанның әр түрлі қымыздық өсімдіктерінің тамырларынан алынатын дәрілік зат; метилоксиантрахинонның тотыққан және тотықсызданған түрлерінің қоспасы. Бұл препарат 1978 – 94 жылдары КСРО-ның, одан кейін ТМД мемлекеттерінің 11 жетекші медициналық орталықтарында сынақтан өтті. Рамонның авторы – ҚазҰУ-дың профессоры, химия ғылыми докторы Р.А. Музычкина. Рамонды Ресейдің (1994) және Қазақстанның (1995) Денсаулық сақтау министрліктері өндірістік шығаруға, ересектер мен жас балаларда болатын ұшық, теңге қотыр, терінің созылмалы аурулары, шаш себореясын емдеуде қолдануға рұқсат берген. Сынақ барысында, 1 – 3 рет жаққаннан кейін жарақат ошақтарда қышымаға қарсы әсер, ал 2 – 4-күндері қан қысымының азаюы, инфильтраттардың таралуы байқалды. Рамонның басқа препараттардан артықшылығы: аллергия тудырмайды, кумулятивтік қасиеттері бар, адамның қан жасау және ферменттік жүйелеріндегі тежелуді болдырмайды. Рамон және оның 2%-дық жағар майы Қазақстанның мемл. реестрінде тіркелген (1997). Рамон Шымкент қаласында өндіріледі (“Химфарм” АҚ). [1]

Сілтемелер[өңдеу]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том